درد منت کش دوا نہ ہوا
درد منت کش دوا نہ ہوا میں نہ اچھا ہوا برا نہ ہوا جمع کرتے ہو کیوں رقیبوں کو اک تماشا ہوا گلہ نہ ہوا ہم کہاں قسمت آزمانے جائیں تو ہی جب خنجر آزما نہ ہوا کتنے شیریں ہیں تیرے لب کہ رقیب گالیاں کھا کے بے مزا نہ ہوا ہے خبر گرم ان کے آنے کی آج ہی گھر میں بوریا نہ ہوا کیا وہ نمرود کی خدائی تھی بندگی میں مرا بھلا نہ ہوا جان دی دی ہوئی اسی کی تھی حق تو یوں ہے کہ حق ادا نہ ہوا زخم گر دب گیا لہو نہ تھما کام گر رک گیا روا نہ ہوا رہزنی ہے کہ دل ستانی ہے لے کے دل دل ستاں روانہ ہوا کچھ تو پڑھیے کہ لوگ کہتے ہیں آج غالبؔ غزل سرا نہ ہوا
English rendering
Dard minnat-kash-e-dawa na hua Main na acha hua bura na hua Jama karte ho kyon raqeebon ko Ik tamasha hua gila na hua Hum kahaan qismat aazmane jaayen Tu hi jab khanjar-aazma na hua Kitne shireen hain tere lab ke raqeeb Gaaliyan kha ke be-maza na hua Hai khabar garm un ke aane ki Aaj hi ghar mein boriya na hua Kya woh Namrood ki khudai thi Bandagi mein mera bhala na hua Jaan di di hui usi ki thi Haq to yoon hai ke haq ada na hua Zakhm gar dab gaya lahoo na thama Kaam gar ruk gaya rawa na hua Rahzani hai ke dil-sitaani hai Le ke dil dil-sitaan rawana hua Kuch to padhiye ke log kehte hain Aaj Ghalib ghazal-sara na hua