درد سے میرے ہے تجھ کو بے قراری ہائے ہائے
درد سے میرے ہے تجھ کو بے قراری ہائے ہائے کیا ہوئی ظالم تری غفلت شعاری ہائے ہائے تیرے دل میں گر نہ تھا آشوب غم کا حوصلہ تو نے پھر کیوں کی تھی میری غم گساری ہائے ہائے کیوں مری غم خوارگی کا تجھ کو آیا تھا خیال دشمنی اپنی تھی میری دوست داری ہائے ہائے عمر بھر کا تو نے پیمان وفا باندھا تو کیا عمر کو بھی تو نہیں ہے پائیداری ہائے ہائے زہر لگتی ہے مجھے آب و ہوائے زندگی یعنی تجھ سے تھی اسے نا سازگاری ہائے ہائے گل فشانی ہائے ناز جلوہ کو کیا ہو گیا خاک پر ہوتی ہے تیری لالہ کاری ہائے ہائے شرم رسوائی سے جا چھپنا نقاب خاک میں ختم ہے الفت کی تجھ پر پردہ داری ہائے ہائے خاک میں ناموس پیمان محبت مل گئی اٹھ گئی دنیا سے راہ و رسم یاری ہائے ہائے ہاتھ ہی تیغ آزما کا کام سے جاتا رہا دل پہ اک لگنے نہ پایا زخم کاری ہائے ہائے کس طرح کاٹے کوئی شب ہائے تار برشگال ہے نظر خو کردۂ اختر شماری ہائے ہائے گوش مہجور پیام و چشم محروم جمال ایک دل تس پر یہ نا امید واری ہائے ہائے عشق نے پکڑا نہ تھا غالبؔ ابھی وحشت کا رنگ رہ گیا تھا دل میں جو کچھ ذوق خواری ہائے ہائے
English rendering
Dard se mere hai tujh ko be-qarari haay haay Kya hui zaalim teri ghaflat sha'ari haay haay Tere dil mein gar na tha aashob-e-gham ka hausla Tu ne phir kyon ki thi meri gham-gusari haay haay Kyon meri gham-khwari ka tujh ko aaya tha khayal Dushmani apni thi meri dost-dari haay haay Umar bhar ka tu ne paiman-e-wafa bandha to kya Umar ko bhi to nahin hai payedari haay haay Zehar lagti hai mujhe aab-o-hawa-e-zindagi Ya'ni tujh se thi use na-sazgari haay haay Gul-fishani-e-naz-e-jalwa ko kya ho gaya Khaak par hoti hai teri lala-kari haay haay Sharm-e-ruswai se ja chhupna naqab-e-khaak mein Khatm hai ulfat ki tujh par parda-dari haay haay Khaak mein namoos-e-paiman-e-mohabbat mil gayi Uth gayi duniya se rah-o-rasm-e-yari haay haay Haath hi tegh-e-aazma ka kaam se jata raha Dil pe ek lagne na paya zakhm-e-kari haay haay Kis tarah kaate koi shab-haay-e-tar-bargushgal Hai nazar khu-karda akhtar-shumari haay haay Gosh mahjoor-e-payam-o-chashm mahroom-e-jamal Ek dil tis par ye na-ummed-wari haay haay Ishq ne pakda na tha Ghalib abhi wahshat ka rang Rah gaya tha dil mein jo kuch zauq-e-khwari haay haay