دل ناداں تجھے ہوا کیا ہے
دل ناداں تجھے ہوا کیا ہے آخر اس درد کی دوا کیا ہے ہم ہیں مشتاق اور وہ بیزار یا الٰہی یہ ماجرا کیا ہے میں بھی منہ میں زبان رکھتا ہوں کاش پوچھو کہ مدعا کیا ہے جب کہ تجھ بن نہیں کوئی موجود پھر یہ ہنگامہ اے خدا کیا ہے یہ پری چہرہ لوگ کیسے ہیں غمزہ و عشوہ و ادا کیا ہے شکن زلف عنبریں کیوں ہے نگہ چشم سرمہ سا کیا ہے سبزہ و گل کہاں سے آئے ہیں ابر کیا چیز ہے ہوا کیا ہے ہم کو ان سے وفا کی ہے امید جو نہیں جانتے وفا کیا ہے ہاں بھلا کر ترا بھلا ہوگا اور درویش کی صدا کیا ہے جان تم پر نثار کرتا ہوں میں نہیں جانتا دعا کیا ہے میں نے مانا کہ کچھ نہیں غالبؔ مفت ہاتھ آئے تو برا کیا ہے
English rendering
Dil-e-nadan tujhe hua kya hai Aakhir is dard ki dawa kya hai Ham hain mushtaq aur woh bezaar Ya Ilahi ye majra kya hai Main bhi munh mein zaban rakhta hoon Kaash puchho ke mudda'a kya hai Jab ke tujh bin nahin koi maujood Phir ye hangama ae Khuda kya hai Ye pari-chehra log kaise hain Ghamza-o-ishwa-o-ada kya hai Shikan-e-zulf-e-anbarin kyon hai Nigah-e-chashm-e-surma sa kya hai Sabza-o-gul kahan se aaye hain Abr kya cheez hai hawa kya hai Ham ko un se wafa ki hai ummeed Jo nahin jante wafa kya hai Haan bhala kar tera bhala hoga Aur darwesh ki sada kya hai Jaan tum par nisar karta hoon Main nahin janta dua kya hai Main ne mana ke kuch nahin Ghalib Muft haath aaye to bura kya hai