ایک جا حرف وفا لکھا تھا سو بھی مٹ گیا
ایک جا حرف وفا لکھا تھا سو بھی مٹ گیا ظاہراً کاغذ ترے خط کا غلط بردار ہے جی جلے ذوق فنا کی ناتمامی پر نہ کیوں ہم نہیں جلتے نفس ہر چند آتش بار ہے آگ سے پانی میں بجھتے وقت اٹھتی ہے صدا ہر کوئی درماندگی میں نالہ سے ناچار ہے ہے وہی بد مستی ہر ذرہ کا خود عذر خواہ جس کے جلوے سے زمیں تا آسماں سرشار ہے مجھ سے مت کہہ تو ہمیں کہتا تھا اپنی زندگی زندگی سے بھی مرا جی ان دنوں بیزار ہے آنکھ کی تصویر سر نامے پہ کھینچی ہے کہ تا تجھ پہ کھل جاوے کہ اس کو حسرت دیدار ہے
English rendering
Ek ja harf-e-wafa likha tha so bhi mit gaya Zahiran kaghaz tere khat ka ghalat-bardar hai Ji jale zauq-e-fana ki na-tamami par na kyon Ham nahin jalte nafas har chand aatish-baar hai Aag se pani mein bujhte waqt uthti hai sada Har koi darman-dagi mein naale se nachaar hai Hai wohi bad-masti har zarra ka khud uzr-khwah Jis ke jalwe se zamin ta aasman sarsaar hai Mujh se mat keh tu hamein kehta tha apni zindagi Zindagi se bhi mera ji in dinon bezaar hai Aankh ki tasweer sar-e-name pe khinchi hai ke ta Tujh pe khul jawe ke is ko hasrat-e-deedar hai