مرزا غالب

English rendering

Ghair lein mahfil mein bose jaam ke Ham rahein yun tishna-lab paigham ke Khastagi ka tum se kya shikwa ke ye Hatkhande hain charkh-e-neeli-faam ke Khat likhein ge garche matlab kuch na ho Ham to aashiq hain tumhare naam ke Raat pi zamzam pe may aur subh dam Dho'e dhabbe jama-e-ehram ke Dil ko aankhon ne phansaya kya magar Ye bhi halqe hain tumhare daam ke Shah ke hai ghusl-e-sehhat ki khabar Dekhiye kab din phirein hammaam ke Ishq ne Ghalib nikamma kar diya Warnah hum bhi aadmi the kaam ke