ہم پر جفا سے ترک وفا کا گماں نہیں
ہم پر جفا سے ترک وفا کا گماں نہیں اک چھیڑ ہے وگرنہ مراد امتحاں نہیں کس منہ سے شکر کیجئے اس لطف خاص کا پرسش ہے اور پاے سخن درمیاں نہیں ہم کو ستم عزیز ستم گر کو ہم عزیز نا مہرباں نہیں ہے اگر مہرباں نہیں بوسہ نہیں نہ دیجیے دشنام ہی سہی آخر زباں تو رکھتے ہو تم گر دہاں نہیں ہر چند جاں گدازی قہر و عتاب ہے ہر چند پشت گرمی تاب و تواں نہیں جاں مطرب ترانۂ ہل من مزید ہے لب پردہ سنج زمزمۂ الاماں نہیں خنجر سے چیر سینہ اگر دل نہ ہو دو نیم دل میں چھری چبھو مژہ گر خونچکاں نہیں ہے ننگ سینہ دل اگر آتش کدہ نہ ہو ہے عار دل نفس اگر آذر فشاں نہیں نقصاں نہیں جنوں میں بلا سے ہو گھر خراب سو گز زمیں کے بدلے بیاباں گراں نہیں کہتے ہو کیا لکھا ہے تری سر نوشت میں گویا جبیں پہ سجدۂ بت کا نشاں نہیں پاتا ہوں اس سے داد کچھ اپنے کلام کی روح القدس اگرچہ مرا ہم زباں نہیں جاں ہے بہائے بوسہ ولے کیوں کہے ابھی غالبؔ کو جانتا ہے کہ وہ نیم جاں نہیں جس جا کہ پائے سیل بلا درمیاں نہیں دیوانگاں کو واں ہوس خانماں نہیں گل غنچگی میں غرقۂ دریائے رنگ ہے اے آگہی فریب تماشا کہاں نہیں کس جرم سے ہے چشم تجھے حسرت قبول برگ حنا مگر مژۂ خوں فشاں نہیں ہر رنگ گردش آئنہ ایجاد درد ہے اشک سحاب جز بہ وداع خزاں نہیں جز عجز کیا کروں بہ تمنائے بے خودی طاقت حریف سختیٔ خواب گراں نہیں عبرت سے پوچھ درد پریشانیٔ نگاہ یہ گرد وہم جز بسر امتحاں نہیں برق بجان حوصلہ آتش فگن اسدؔ اے دل فسردہ طاقت ضبط فغاں نہیں
English rendering
Ham par jafā se tark-e vafā kā gumāñ nahīñ Ik chheṛ hai vagarna murād-e imtihāñ nahīñ Kis muñh se shukr kījiye us lutf-e KHās kā Pursish hai aur pā-e suKHan darmiyāñ nahīñ Ham ko sitam azīz sitam-gar ko ham azīz Nā-mehrbāñ nahīñ hai agar mehrbāñ nahīñ Bosa nahīñ na dījiye dushnām hī sahī ĀKHir zabāñ to rakhte ho tum gar dahāñ nahīñ Har chand jaañ-gudāzī qahr-o-itāb hai Har chand pusht-garmī-e tāb-o-tavāñ nahīñ Jāñ mutrib-e tarāna hal min mazīd hai Lab parda-sanj-e zamzama-e al-amāñ nahīñ KHanjar se chīr sīna agar dil na ho do nīm Dil mein chhurī chubhā mizh_gañ gar KHūñ-chakāñ nahīñ Hai nañg-e sīna-o-dil agar ātish-kada na ho Hai ār-e dil-o-nafas agar āzar-fishāñ nahīñ Nuqsāñ nahīñ junūñ mein balā se ho ghar KHarāb Sau gaz zamīn ke badle biyābāñ girāñ nahīñ Kahte ho kyā likhā hai terī sar-navisht mein Goyā jabīñ pe sajda-e but kā nishāñ nahīñ Pātā huun us se dād kuchh apne kalām kī Rūh-ul-qudus agarche mirā ham-zabāñ nahīñ Jāñ hai bahā-e bosa vale kyuuñ kahe abhī Ghalibؔ ko jāntā hai ke vo nīm-jāñ nahīñ Jis jā ke pā-e sail-e balā darmiyāñ nahīñ Dīvāngāñ ko vāñ havas-e KHāñmāñ nahīñ Gul ghunchagī mein ġharqa-e daryā-e rang hai Ai āgahī fareb-e tamāshā kahāñ nahīñ Kis jurm se hai chashm tujhe hasrat-e qubūl Barg-e hinā magar mizh_gañ-e KHūñ-fishāñ nahīñ Har rang gardish-e ā_īna-e ī_jād-e dard hai Ashk-e sahāb juz ba-vidā-e KHizāñ nahīñ Juz ajz kyā karūñ ba-tamannā-e beKHudī Tāqat-e harīf-e saKHtī-e KHvāb-e girāñ nahīñ Ibrat se pūchh dard-e pareshānī-e nigāh Ye gard-e vahm juz ba-sar-e imtihāñ nahīñ Barq-ba-jāñ hausla-e ātish-figan Asadؔ Ai dil-e fasurda tāqat-e zabt-e faġhāñ nahīñ