ہر ایک بات پہ کہتے ہو تم کہ تو کیا ہے
ہر ایک بات پہ کہتے ہو تم کہ تو کیا ہے تمہیں کہو کہ یہ انداز گفتگو کیا ہے نہ شعلہ میں یہ کرشمہ نہ برق میں یہ ادا کوئی بتاؤ کہ وہ شوخ تند خو کیا ہے یہ رشک ہے کہ وہ ہوتا ہے ہم سخن تم سے وگرنہ خوف بد آموزی عدو کیا ہے چپک رہا ہے بدن پر لہو سے پیراہن ہمارے جیب کو اب حاجت رفو کیا ہے جلا ہے جسم جہاں دل بھی جل گیا ہوگا کریدتے ہو جو اب راکھ جستجو کیا ہے رگوں میں دوڑتے پھرنے کے ہم نہیں قائل جب آنکھ ہی سے نہ ٹپکا تو پھر لہو کیا ہے وہ چیز جس کے لیے ہم کو ہو بہشت عزیز سوائے بادۂ گلفام مشک بو کیا ہے پیوں شراب اگر خم بھی دیکھ لوں دو چار یہ شیشہ و قدح و کوزہ و سبو کیا ہے رہی نہ طاقت گفتار اور اگر ہو بھی تو کس امید پہ کہیے کہ آرزو کیا ہے ہوا ہے شہہ کا مصاحب پھرے ہے اتراتا وگرنہ شہر میں غالبؔ کی آبرو کیا ہے
English rendering
Har ek baat pe kahte ho tum ke tū kyā hai Tumhīñ kaho ke ye andāz-e guftugū kyā hai Na sho'la mein ye karishma na barq mein ye adā Ko_ī batā_o ke vo shoKH-e tund-KHū kyā hai Ye rashk hai ke vo hotā hai ham-suKHan tum se Vagarna KHauf-e bad-āmozī-e adū kyā hai Chapak rahā hai badan par lahū se pairāhan Hamāre jeb ko ab hājat-e rafū kyā hai Jalā hai jism jahāñ dil bhī jal gayā hogā Kuredate ho jo ab rākh justajū kyā hai Ragoñ mein dauṛte phirne ke ham nahīñ qā_il Jab āñkh hī se na ṭapkā to phir lahū kyā hai Vo chīz jis ke liye ham ko ho bihisht azīz Savā_e bāda-e gulgām-e mushk-bū kyā hai Piyūñ sharāb agar KHam bhī dekh lūñ do chār Ye shīsha-o-qadah-o-kūza-o-sabū kyā hai Rahī na tāqat-e guftār aur agar ho bhī To kis ummīd pe kahiye ke ārzū kyā hai Huā hai shah ka musāhib phire hai itrātā Vagarna shahr mein Ghalibؔ kī ābrū kyā hai