ہزاروں خواہشیں ایسی کہ ہر خواہش پہ دم نکلے
ہزاروں خواہشیں ایسی کہ ہر خواہش پہ دم نکلے بہت نکلے مرے ارمان لیکن پھر بھی کم نکلے ڈرے کیوں میرا قاتل کیا رہے گا اس کی گردن پر وہ خوں جو چشم تر سے عمر بھر یوں دم بدم نکلے نکلنا خلد سے آدم کا سنتے آئے ہیں لیکن بہت بے آبرو ہو کر ترے کوچے سے ہم نکلے بھرم کھل جائے ظالم تیرے قامت کی درازی کا اگر اس طرۂ پر پیچ و خم کا پیچ و خم نکلے مگر لکھوائے کوئی اس کو خط تو ہم سے لکھوائے ہوئی صبح اور گھر سے کان پر رکھ کر قلم نکلے ہوئی اس دور میں منسوب مجھ سے بادہ آشامی پھر آیا وہ زمانہ جو جہاں میں جام جم نکلے ہوئی جن سے توقع خستگی کی داد پانے کی وہ ہم سے بھی زیادہ خستۂ تیغ ستم نکلے محبت میں نہیں ہے فرق جینے اور مرنے کا اسی کو دیکھ کر جیتے ہیں جس کافر پہ دم نکلے کہاں مے خانہ کا دروازہ غالبؔ اور کہاں واعظ پر اتنا جانتے ہیں کل وہ جاتا تھا کہ ہم نکلے
English rendering
Hazāroñ KHvāhisheñ aisī ke har KHvāhish pe dam nikle Bahut nikle mere armān lekin phir bhī kam nikle Dare kyuuñ merā qātil kyā rahe gā us kī gardan par Vo KHūñ jo chashm-e tar se umr bhar yuuñ dam ba-dam nikle Nikalnā KHuld se ādam kā sunte aaye hain lekin Bahut be-ābrū ho kar tere kūche se ham nikle Bharam khul jā_e zālim tere qāmat kī darāzī kā Agar is tarah par pech-o-KHam kā pech-o-KHam nikle Magar likhvā_e ko_ī us ko KHat to ham se likhvā_e Huī sub.h aur ghar se kaan par rakh kar qalam nikle Huī is daur mein mansūb mujh se bāda-āshāmī Phir aayā vo zamāna jo jahāñ mein jām-e jam nikle Huī jin se tavaqqo KHastagī kī dād pāne kī Vo ham se bhī ziyāda KHasta teġh-e sitam nikle Muhabbat mein nahīñ hai farq jīne aur marne kā Isī ko dekh kar jīte hain jis kāfir pe dam nikle Kahāñ mai-KHāna kā darvāza Ghalibؔ aur kahāñ vā'iz Par itnā jānte hain kal vo jātā thā ke ham nikle