ابن مریم ہوا کرے کوئی
ابن مریم ہوا کرے کوئی میرے دکھ کی دوا کرے کوئی شرع و آئین پر مدار سہی ایسے قاتل کا کیا کرے کوئی چال جیسے کڑی کمان کا تیر دل میں ایسے کے جا کرے کوئی بات پر واں زبان کٹتی ہے وہ کہیں اور سنا کرے کوئی بک رہا ہوں جنوں میں کیا کیا کچھ کچھ نہ سمجھے خدا کرے کوئی نہ سنو گر برا کہے کوئی نہ کہو گر برا کرے کوئی روک لو گر غلط چلے کوئی بخش دو گر خطا کرے کوئی کون ہے جو نہیں ہے حاجت مند کس کی حاجت روا کرے کوئی کیا کیا خضر نے سکندر سے اب کسے رہنما کرے کوئی جب توقع ہی اٹھ گئی غالبؔ کیوں کسی کا گلہ کرے کوئی
English rendering
Ibn-e-Maryam hua kare koi Mere dukh ki dawa kare koi Shar'a-o-aaeen par madar sahi Aise qatil ka kya kare koi Chaal jaise kadi kamaan ka teer Dil mein aise ke ja kare koi Baat par waan zubaan katti hai Wo kahein aur suna kare koi Bak raha hun junoon mein kya kya kuch Kuch na samjhe Khuda kare koi Na suno gar bura kahe koi Na kaho gar bura kare koi Rok lo gar ghalat chale koi Bakhsh do gar khata kare koi Kaun hai jo nahin hai haajat-mand Kis ki haajat rawa kare koi Kya kya Khizr ne Sikandar se Ab kise rahnuma kare koi Jab tawaqqo hi uth gai Ghalibؔ Kyun kisi ka gila kare koi