اس بزم میں مجھے نہیں بنتی حیا کیے
اس بزم میں مجھے نہیں بنتی حیا کیے بیٹھا رہا اگرچہ اشارے ہوا کیے دل ہی تو ہے سیاست درباں سے ڈر گیا میں اور جاؤں در سے ترے بن صدا کیے رکھتا پھروں ہوں خرقہ و سجادہ رہن مے مدت ہوئی ہے دعوت آب و ہوا کیے بے صرفہ ہی گزرتی ہے ہو گرچہ عمر خضر حضرت بھی کل کہیں گے کہ ہم کیا کیا کیے مقدور ہو تو خاک سے پوچھوں کہ اے لئیم تو نے وہ گنج ہائے گراں مایہ کیا کیے کس روز تہمتیں نہ تراشا کیے عدو کس دن ہمارے سر پہ نہ آرے چلا کیے صحبت میں غیر کی نہ پڑی ہو کہیں یہ خو دینے لگا ہے بوسہ بغیر التجا کیے ضد کی ہے اور بات مگر خو بری نہیں بھولے سے اس نے سیکڑوں وعدے وفا کیے غالبؔ تمہیں کہو کہ ملے گا جواب کیا مانا کہ تم کہا کیے اور وہ سنا کیے
English rendering
Is bazm mein mujhe nahin banti haya kiye Baitha raha agarche ishaare hua kiye Dil hi to hai siyasat-e-darban se dar gaya Main aur jaaun dar se tere bin sada kiye Rakhta phiroon hoon khirqa-o-sajjada rehn-e-may Muddat hui hai daawat-e-aab-o-hawa kiye Be-sarfa hi guzarti hai ho agarche umr-e-Khizr Hazrat bhi kal kahenge ki hum kya kya kiye Maqdoor ho to khaak se poochhun ki aye la'eem Tu ne woh ganj-haye-giranmaya kya kiye Kis roz tehmatain na tarasha kiye adoo Kis din hamare sar pe na aaray chala kiye Sohbat mein ghair ki na padi ho kahin yeh khu Dene laga hai bosa baghair iltija kiye Zid ki hai aur baat magar khu buri nahin Bhoole se us ne saikadon wade wafa kiye Ghalib tumhin kaho ki milega jawab kya Mana ki tum kaha kiye aur woh suna kiye