مرزا غالب

English rendering

Jab ba-taqreeb-e-safar yaar ne mahmal bandha Tapish-e-shauq ne har zarra pe ik dil bandha Ahl-e-beenaish ne ba-hairat-kada-e-shokhi-e-naaz Jauhar-e-aaina ko tooti-e-bismil bandha Yaas-o-ummeed ne yak arbada maidan manga Aj'z-e-himmat ne tilism-e-dil-e-sail bandha Na bandhe tishnagi-e-zauq ke mazmoon Ghalibؔ Garche dil khol ke darya ko bhi saahil bandha Istilahat-e-aseeran-e-taghaful mat poochh Jo girah aap na kholi use mushkil bandha Yaar ne tishnagi-e-shauq ke mazmoon chahe Ham ne dil khol ke darya ko bhi saahil bandha Tapish-e-aaina-e-parwaz-e-tamanna layi Naama-e-shauq ba-haal-e-dil-e-bismil bandha Dida ta dil hai yak aaina charaghan kis ne Khalwat-e-naaz pe pairaya-e-mahfil bandha Na-ummeedi ne ba-taqreeb-e-mazameen-e-khumar Kucha-e-mauj ko khamyaza-e-saahil bandha Mutrib-e-dil ne mere taar-e-nafas se Ghalibؔ Saaz par rishta pai-e-naghma-e-Bedilؔ bandha Natavani hai tamashai-e-umr-e-rafta Rang ne aaina aankhon ke muqabil bandha Nok-e-har khaar se tha bas-ke sar-e-duzdi-e-zakhm Chun namad ham ne kaf-e-pa pe Asadؔ dil bandha