جز قیس اور کوئی نہ آیا بروئے کار
جز قیس اور کوئی نہ آیا بروئے کار صحرا مگر بہ تنگی چشم حسود تھا آشفتگی نے نقش سویدا کیا درست ظاہر ہوا کہ داغ کا سرمایہ دود تھا تھا خواب میں خیال کو تجھ سے معاملہ جب آنکھ کھل گئی نہ زیاں تھا نہ سود تھا لیتا ہوں مکتب غم دل میں سبق ہنوز لیکن یہی کہ رفت گیا اور بود تھا ڈھانپا کفن نے داغ عیوب برہنگی میں ورنہ ہر لباس میں ننگ وجود تھا تیشے بغیر مر نہ سکا کوہ کن اسدؔ سرگشتۂ خمار رسوم و قیود تھا عالم جہاں بہ عرض بساط وجود تھا جوں صبح چاک جیب مجھے تار و پود تھا بازی خور فریب ہے اہل نظر کا ذوق ہنگامہ گرم حیرت بود و نبود تھا عالم طلسم شہر خموشی ہے سربسر یا میں غریب کشور گفت و شنود تھا تنگی رفیق رہ تھی عدم یا وجود تھا میرا سفر بہ طالع چشم حسود تھا تو یک جہاں قماش ہوس جمع کر کہ میں حیرت متاع عالم نقصان و سود تھا گردش محیط ظلم رہا جس قدر فلک میں پائمال غمزۂ چشم کبود تھا پوچھا تھا گرچہ یار نے احوال دل مگر کس کو دماغ منت گفت و شنود تھا خور شبنم آشنا نہ ہوا ورنہ میں اسدؔ سر تا قدم گزارش ذوق سجود تھا
English rendering
Juz Qais aur koi na aaya bar-roo-e-kaar Sahra magar ba-tangi-e-chashm-e-hasood tha Aashuftagi ne naqsh-e-swaida kiya durust Zahir hua ke dagh ka sarmaya dood tha Tha khwab mein khayal ko tujh se muamala Jab aankh khul gai na ziyan tha na sood tha Leta hun maktab-e-gham-e-dil mein sabaq hunooz Lekin yehi ke raft gaya aur bood tha Dhanpa kafan ne dagh-e-ayub-e-barahnagi Main warna har libaas mein nang-e-wujood tha Taishe baghair mar na saka Kohkan Asadؔ Sargushta-e-khumar-e-rasoom-o-quyoood tha Aalam jahan ba-arz-e-bisaat-e-wujood tha Jun subh-e-chak-e-jaib mujhe taar-o-pood tha Baazi-khor-e-fareb hai ahl-e-nazar ka zauq Hangama-garm-e-hairat-e-bood-o-nabood tha Aalam tilism-e-shahr-e-khamoshi hai sar-ba-sar Ya main ghareeb-e-kishwar-e-guft-o-shunood tha Tangi-e-rafeeq-e-rah thi adam ya wujood tha Mera safar ba-tal'a-e-chashm-e-hasood tha Tu yak jahan qamaash-e-havas jam'a kar ke main Hairat mata'a-e-aalam-e-nuqsaan-o-sood tha Gardish-e-muheet-e-zulm raha jis qadar falak Main paeemaal-e-ghamza-e-chashm-e-kabood tha Poochha tha garche yaar ne ahwaal-e-dil magar Kis ko dimagh-e-minnat-e-guft-o-shunood tha Khur shabnam-aashna na hua warna main Asadؔ Sar ta qadam guzarish-e-zauq-e-sujood tha