کہتے ہو نہ دیں گے ہم دل اگر پڑا پایا
کہتے ہو نہ دیں گے ہم دل اگر پڑا پایا دل کہاں کہ گم کیجے ہم نے مدعا پایا عشق سے طبیعت نے زیست کا مزا پایا درد کی دوا پائی درد بے دوا پایا دوست دار دشمن ہے اعتماد دل معلوم آہ بے اثر دیکھی نالہ نارسا پایا سادگی و پرکاری بے خودی و ہشیاری حسن کو تغافل میں جرأت آزما پایا غنچہ پھر لگا کھلنے آج ہم نے اپنا دل خوں کیا ہوا دیکھا گم کیا ہوا پایا حال دل نہیں معلوم لیکن اس قدر یعنی ہم نے بارہا ڈھونڈا تم نے بارہا پایا شور پند ناصح نے زخم پر نمک چھڑکا آپ سے کوئی پوچھے تم نے کیا مزا پایا ہے کہاں تمنا کا دوسرا قدم یا رب ہم نے دشت امکاں کو ایک نقش پا پایا بے دماغ خجلت ہوں رشک امتحاں تا کے ایک بیکسی تجھ کو عالم آشنا پایا خاک بازی امید کارخانۂ طفلی یاس کو دو عالم سے لب بہ خندہ وا پایا کیوں نہ وحشت غالب باج خواہ تسکیں ہو کشتۂ تغافل کو خصم خوں بہا پایا فکر نالہ میں گویا حلقہ ہوں ز سر تا پا عضو عضو جوں زنجیر یک دل صدا پایا شب نظارہ پرور تھا خواب میں خیال اس کا صبح موجۂ گل کو نقش بوریا پایا جس قدر جگر خوں ہو کوچہ دادن گل ہے زخم تیغ قاتل کو طرفہ دل کشا پایا ہے مکیں کی پا داری نام صاحب خانہ ہم سے تیرے کوچے نے نقش مدعا پایا نے اسدؔ جفا سائل نے ستم جنوں مائل تجھ کو جس قدر ڈھونڈا الفت آزما پایا
English rendering
Kehte ho na denge hum dil agar pada paya Dil kahan ke gum kije ham ne mudda'a paya Ishq se tabiyat ne zeest ka maza paya Dard ki dawa paayi dard-e-be-dawa paya Dost-dar-e-dushman hai e'timaad-e-dil maloom Aah-e-be-asar dekhi nala-e-narsa paya Saadgi-o-pur-kaari be-khudi-o-hushyari Husn ko taghaful mein jur'at-aazma paya Ghuncha phir laga khulne aaj hum ne apna dil Khoon kiya hua dekha gum kiya hua paya Haal-e-dil nahin maloom lekin is qadar ya'ni Ham ne baar-ha dhoonda tum ne baar-ha paya Shor-e-pand-e-naseh ne zakhm par namak chhidka Aap se koi poochhe tum ne kya maza paya Hai kahan tamanna ka doosra qadam ya Rab Ham ne dasht-e-imkan ko ek naqsh-e-pa paya Be-dimagh-e-khijlat hun rashk-e-imtihan ta ke Ek be-kasi tujh ko aalam-aashna paya Khak-bazi-e-ummeed kar-khana-e-tifli Yaas ko do aalam se lab ba-khanda va paya Kyun na wahshat Ghalibؔ baaj-khwah-e-taskeen ho Kushta-e-taghaful ko khasm-e-khoon-baha paya Fikr-e-nala mein goya halqa hun z-sar ta pa Uz'v uz'v jun zanjeer yak dil sada paya Shab nazara-parvar tha khwab mein khayal us ka Subh-e-mauja-e-gul ko naqsh-e-boriya paya Jis qadar jigar khoon ho kucha-dad-e-gul hai Zakhm-e-tegh-e-qatil ko turfa dilkusha paya Hai makeen ki pa-daari naam-e-sahib-e-khana Ham se tere kuche ne naqsh-e-mudda'a paya Nare Asadؔ jafa saail ne sitam junoon mail Tujh ko jis qadar dhoonda ulfat-aazma paya