کیوں جل گیا نہ تاب رخ یار دیکھ کر
کیوں جل گیا نہ تاب رخ یار دیکھ کر جلتا ہوں اپنی طاقت دیدار دیکھ کر آتش پرست کہتے ہیں اہل جہاں مجھے سرگرم نالہ ہائے شرربار دیکھ کر کیا آبروئے عشق جہاں عام ہو جفا رکتا ہوں تم کو بے سبب آزار دیکھ کر آتا ہے میرے قتل کو پر جوش رشک سے مرتا ہوں اس کے ہاتھ میں تلوار دیکھ کر ثابت ہوا ہے گردن مینا پہ خون خلق لرزے ہے موج مے تری رفتار دیکھ کر واحسرتا کہ یار نے کھینچا ستم سے ہاتھ ہم کو حریص لذت آزار دیکھ کر بک جاتے ہیں ہم آپ متاع سخن کے ساتھ لیکن عیار طبع خریدار دیکھ کر زنار باندھ سبحۂ صد دانہ توڑ ڈال رہ رو چلے ہے راہ کو ہموار دیکھ کر ان آبلوں سے پاؤں کے گھبرا گیا تھا میں جی خوش ہوا ہے راہ کو پر خار دیکھ کر کیا بد گماں ہے مجھ سے کہ آئینے میں مرے طوطی کا عکس سمجھے ہے زنگار دیکھ کر گرنی تھی ہم پہ برق تجلی نہ طور پر دیتے ہیں بادہ ظرف قدح خوار دیکھ کر سر پھوڑنا وہ غالبؔ شوریدہ حال کا یاد آ گیا مجھے تری دیوار دیکھ کر
English rendering
Kyun jal gaya na taab-e-rukh-e-yaar dekh kar Jalta hoon apni taaqat-e-didaar dekh kar Aatish-parast kehte hain ahl-e-jahan mujhe Sar-garm-e-nala-ha-e-sharar-baar dekh kar Kya aabroo-e-ishq jahan aam ho jafa Rakhta hoon tum ko be-sabab aazaar dekh kar Aata hai mere qatl ko pur-josh rashk se Marta hoon us ke haath mein talwar dekh kar Saabit hua hai gardan-e-meena pe khoon-e-khalq Larze hai mauj-e-mai teri raftaar dekh kar Waa hasrata ke yaar ne khencha sitam se haath Hum ko haris-e-lazzat-e-aazaar dekh kar Bik jaate hain hum aap mata-e-sukhan ke saath Lekin ayar-e-tab-e-kharidaar dekh kar Zunnar baandh subha-e-sad-dana tod daal Reh-rau chale hai raah ko hamwar dekh kar In aablon se paon ke ghabra gaya tha main Jee khush hua hai raah ko pur-khar dekh kar Kya bad-gumaan hai mujh se ke aaine mein mere Tuti ka aks samjhe hai zangaar dekh kar Girni thi hum pe barq-e-tajalli na Toor par Dete hain baada zarf-e-qadah-khwar dekh kar Sar phodna woh Ghalib shorida-haal ka Yaad aa gaya mujhe teri diwar dekh kar