مرزا غالب

English rendering

Lataafat be-kasafat jalwa paida kar nahin sakti Chaman zangaar hai aaina-e-baad-e-bahari ka Harif-e-joshish-e-darya nahin khud-daari-e-saahil Jahan saaqi ho tu baatil hai dawa-e-hushyari ka Bahar-e-rang-e-khoon-e-gul hai samaan-e-ashk-baari ka Junoon barq-e-nishtar hai rag-e-abr-e-bahari ka Baraaye hal-e-mushkil hoon z-pa uftaada-e-hasrat Bandha hai uqda-e-khatir se paiman-e-khaksaari ka Ba-waqt-e-sar-niguni hai tasawwur-e-intezaar-istaan Nigah ko aablon se shughl hai akhtar-shumari ka Asad saaghar kash-e-tasleem ho gardish se gardoon ki Ke nang-e-fehm-e-mastan hai gila bad-rozgaari ka