مری ہستی فضاۓ حیرت آباد تمنا ہے
مری ہستی فضاۓ حیرت آباد تمنا ہے جسے کہتے ہیں نالہ وہ اسی عالم کا عنقا ہے خزاں کیا فصل گل کہتے ہیں کس کو کوئی موسم ہو وہی ہم ہیں قفس ہے اور ماتم بال و پر کا ہے وفائے دلبراں ہے اتفاقی ورنہ اے ہمدم اثر فریاد دل ہاۓ حزیں کا کس نے دیکھا ہے نہ لائی شوخی اندیشہ تاب رنج نومیدی کف افسوس ملنا عہد تجدید تمنا ہے نہ سووے آبلوں میں گر سرشک دیدۂ نم سے بہ جولاں گاۂ نومیدی نگاۂ عاجزاں پا ہے بہ سختی ہاۓ قید زندگی معلوم آزادی شرر بھی صید دام رشتۂ رگ ہاۓ خارا ہے تغافل مشربی سے ناتمامی بسکہ پیدا ہے نگاہ ناز چشم یار میں زنار مینا ہے تصرف وحشیوں میں ہے تصور ہاۓ مجنوں کا سواد چشم آہو عکس خال روئے لیلا ہے محبت طرز پیوند نہال دوستی جانے دویدن ریشہ ساں مفت رگ خواب زلیخا ہے کیا یک سر گداز دل نیاز جوشش حسرت سویدا نسخۂ تہ بندی داغ تمنا ہے ہجوم ریزش خوں کے سبب رنگ اڑ نہیں سکتا حناۓ پنجۂ صیاد مرغ رشتہ بر پا ہے اثر سوز محبت کا قیامت بے محابا ہے کہ رگ سے سنگ میں تخم شرر کا ریشہ پیدا ہے نہاں ہے گوہر مقصود جیب خود شناسی میں کہ یاں غواص ہے تمثال اور آئینہ دریا ہے عزیزو ذکر وصل غیر سے مجھ کو نہ بہلاؤ کہ یاں افسون خواب افسانۂ خواب زلیخا ہے تصور بہر تسکین تپیدن ہاۓ طفل دل بہ باغ رنگ ہاۓ رفتہ گل چین تماشا ہے بہ سعی غیر ہے قطع لباس خانہ ویرانی کہ ناز جادۂ رہ رشتۂ دامان صحرا ہے
English rendering
Meri hasti faza-e-hairat-aabad-e-tamanna hai Jise kehte hain naala woh usi alam ka anqa hai Khizan kya fasl-e-gul kehte hain kis ko koi mausam ho Wohi hum hain qafas hai aur maatam-e-baal-o-par ka hai Wafa-e-dil-baran hai ittifaqi wagarna ae hamdam Asar faryaad-e-dil-ha-e-hazin ka kis ne dekha hai Na laai shokhi-e-andesha taab-e-ranj-e-na-ummeedi Kaf-e-afsos malna ahd-e-tajdeed-e-tamanna hai Na soo-e-aablon mein gar sar-e-ashk-e-dida-e-nam se Ba-jaulan-gah-e-na-ummeedi nigah-e-aajizan pa hai Ba-sakhti-ha-e-qaid-e-zindagi maloom aazadi Sharar bhi said-e-daam-e-rishta-e-rag-ha-e-khara hai Taghaful mashrabi se na-tamami bas-ke paida hai Nigah-e-naaz chashm-e-yaar mein zunnar-e-meena hai Tasarrruf wahshiyon mein hai tasawwur-ha-e-Majnoon ka Sawaad-e-chashm-e-aahoo aks-e-khal-e-roo-e-laila hai Muhabbat tarz-e-paiwand-e-nihal-e-dosti jaane Davedan resha-saan muft-e-rag-e-khwab-e-zulekha hai Kya yak sar gudaz-e-dil-e-niyaz-e-joshish-e-hasrat Sawida nuskha-e-teh-bandi-e-daagh-e-tamanna hai Hajoom-e-rezish-e-khoon ke sabab rang ud nahin sakta Hina-e-panja-e-sayyad murgh-e-rishta-bar pa hai Asar soz-e-muhabbat ka qayamat be-muhaba hai Ke rag se sang mein tukhm-e-sharar ka resha paida hai Nihaan hai gauhar-e-maqsood jaib-e-khud-shanasi mein Ke yaan ghawwas hai timsal aur aaina-e-darya hai Azizo zikr-e-wasl-e-ghair se mujh ko na bahlao Ke yaan afsoon-e-khwab afsaana-e-khwab-e-zulekha hai Tasawwur ba-har-e-taskin-e-tapeedan-ha-e-tifl-e-dil Ba-baagh-e-rang-ha-e-rafta-e-gul-cheen-e-tamasha hai Ba-sa'i-e-ghair hai qat-e-libas-e-khana-veerani Ke naaz-e-jaada-e-reh-e-rishta-e-daaman-e-sahra hai