مدت ہوئی ہے یار کو مہماں کیے ہوئے
مدت ہوئی ہے یار کو مہماں کیے ہوئے جوش قدح سے بزم چراغاں کیے ہوئے کرتا ہوں جمع پھر جگر لخت لخت کو عرصہ ہوا ہے دعوت مژگاں کیے ہوئے پھر وضع احتیاط سے رکنے لگا ہے دم برسوں ہوئے ہیں چاک گریباں کیے ہوئے پھر گرم نالہ ہائے شرربار ہے نفس مدت ہوئی ہے سیر چراغاں کیے ہوئے پھر پرسش جراحت دل کو چلا ہے عشق سامان صدہزار نمکداں کیے ہوئے پھر بھر رہا ہوں خامۂ مژگاں بہ خون دل ساز چمن طرازی داماں کیے ہوئے باہم دگر ہوئے ہیں دل و دیدہ پھر رقیب نظارہ و خیال کا ساماں کیے ہوئے دل پھر طواف کوئے ملامت کو جائے ہے پندار کا صنم کدہ ویراں کیے ہوئے پھر شوق کر رہا ہے خریدار کی طلب عرض متاع عقل و دل و جاں کیے ہوئے دوڑے ہے پھر ہر ایک گل و لالہ پر خیال صد گلستاں نگاہ کا ساماں کیے ہوئے پھر چاہتا ہوں نامۂ دل دار کھولنا جاں نذر دل فریبی عنواں کیے ہوئے مانگے ہے پھر کسی کو لب بام پر ہوس زلف سیاہ رخ پہ پریشاں کیے ہوئے چاہے ہے پھر کسی کو مقابل میں آرزو سرمے سے تیز دشنۂ مژگاں کیے ہوئے اک نو بہار ناز کو تاکے ہے پھر نگاہ چہرہ فروغ مے سے گلستاں کیے ہوئے پھر جی میں ہے کہ در پہ کسی کے پڑے رہیں سر زیر بار منت درباں کیے ہوئے جی ڈھونڈتا ہے پھر وہی فرصت کہ رات دن بیٹھے رہیں تصور جاناں کیے ہوئے غالبؔ ہمیں نہ چھیڑ کہ پھر جوش اشک سے بیٹھے ہیں ہم تہیۂ طوفاں کیے ہوئے
English rendering
Muddat hui hai yaar ko mehman kiye hue Josh-e-qadah se bazm chiraghan kiye hue Karta hoon jam phir jigar-e-lakht lakht ko Arsa hua hai dawat-e-mizhgaan kiye hue Phir waza-e-ehtiyat se rukne laga hai dam Barson hue hain chaak-e-garebaan kiye hue Phir garm-e-nala-ha-e-sharar-baar hai nafas Muddat hui hai sair-e-chiraghan kiye hue Phir pursish-e-jaraahat-e-dil ko chala hai ishq Samaan-e-sad-hazaar namakdaan kiye hue Phir bhar raha hoon khama-e-mizhgaan ba-khoon-e-dil Saaz-e-chaman-taraazi-e-damaan kiye hue Baaham digar hue hain dil-o-dida phir raqib Nazzara-o-khayaal ka samaan kiye hue Dil phir tawaf-e-kuy-e-malaamat ko jaaye hai Pindaar ka sanam-kada veerana kiye hue Phir shauq kar raha hai kharidaar ki talab Arz-e-mata-e-aql-o-dil-o-jaan kiye hue DauRde hai phir har ek gul-o-laala par khayaal Sad gulistaan nigah ka samaan kiye hue Phir chahta hoon nama-e-dil-daar kholna Jaan nazr-e-dil-farebi-e-unwaan kiye hue Maange hai phir kisi ko lab-e-baam par hawas Zulf-e-siyah rukh pe pareshaan kiye hue Chaahe hai phir kisi ko muqabil mein aarzoo Surme se tez khanjar-e-mizhgaan kiye hue Ek nau-bahar-e-naaz ko taake hai phir nigah Chehra farogh-e-mai se gulistaan kiye hue Phir jee mein hai ke dar pe kisi ke pade rahein Sar zer-e-baar-e-minnat-e-darbaan kiye hue Jee dhoondta hai phir wohi fursat ke raat din Baithe rahein tasawwur-e-jaanaan kiye hue Ghalib hamein na chhed ke phir josh-e-ashk se Baithe hain hum taiya-e-tufaan kiye hue