نوید امن ہے بیداد دوست جاں کے لیے
نوید امن ہے بیداد دوست جاں کے لیے رہی نہ طرز ستم کوئی آسماں کے لیے بلا سے گر مژۂ یار تشنۂ خوں ہے رکھوں کچھ اپنی بھی مژگان خوں فشاں کے لیے وہ زندہ ہم ہیں کہ ہیں روشناس خلق اے خضر نہ تم کہ چور بنے عمر جاوداں کے لیے رہا بلا میں بھی میں مبتلائے آفت رشک بلائے جاں ہے ادا تیری اک جہاں کے لیے فلک نہ دور رکھ اس سے مجھے کہ میں ہی نہیں دراز دستی قاتل کے امتحاں کے لیے مثال یہ مری کوشش کی ہے کہ مرغ اسیر کرے قفس میں فراہم خس آشیاں کے لیے گدا سمجھ کے وہ چپ تھا مری جو شامت آئی اٹھا اور اٹھ کے قدم میں نے پاسباں کے لیے بہ قدر شوق نہیں ظرف تنگنائے غزل کچھ اور چاہیے وسعت مرے بیاں کے لیے دیا ہے خلق کو بھی تا اسے نظر نہ لگے بنا ہے عیش تجمل حسین خاں کے لیے زباں پہ بار خدایا یہ کس کا نام آیا کہ میرے نطق نے بوسے مری زباں کے لیے نصیر دولت و دیں اور معین ملت و ملک بنا ہے چرخ بریں جس کے آستاں کے لیے زمانہ عہد میں اس کے ہے محو آرایش بنیں گے اور ستارے اب آسماں کے لیے ورق تمام ہوا اور مدح باقی ہے سفینہ چاہیے اس بحر بیکراں کے لیے ادائے خاص سے غالبؔ ہوا ہے نکتہ سرا صلائے عام ہے یاران نکتہ داں کے لیے
English rendering
Naveed-e-amn hai bīdaad-e-dost-e-jaa.n ke liye Rahī na tarz-e-sitam ko.ī aasmaa.n ke liye Balaa se gar mizha-e-yaar tishna-e-kho.n hai Rakhuu.n kuchh apnī bhii mizhgaa.n kho.n-fishaa.n ke liye Wo zinda ham hii hai.n ki hai.n roshnaas-e-khalq ai Khizr Na tum ki chor bane umr-e-jaawidaa.n ke liye Rahaa balaa me.n bhii mai.n mubtalaa-e-aafat-e-rashk Balaa-e-jaa.n hai adaa terī ek jahaa.n ke liye Falak na duur rakh us se mujhe ki mai.n hii nahī.n Daraaz-dastī-e-qaatil ke imtihaa.n ke liye Misaal ye merī koshish kī hai ki murgh-e-asīr Kare qafas me.n faraham khas-e-aashiyaa.n ke liye Gadaa samajh ke wo chup thaa merī jo shaamat aa.ii Uthaa aur uTh ke qadam mai.n ne paasbaa.n ke liye Ba-qadar-e-shauq nahī.n zarf-e-tangnaa-e-ghazal Kuchh aur chaahiye wus.at mere bayaa.n ke liye Diyaa hai khalq ko bhii taa use nazar na lage Banaa hai aish-e-tajammul Husain Khaa.n ke liye Zabaa.n pe baar-e-Khudaayaa ye kis ka naam aayaa Ki mere nutq ne bose merī zabaa.n ke liye Nasīr-e-daulat-o-dī.n aur mu.īn-e-millat-o-mulk Banaa hai charkh-e-barī.n jis ke aastaa.n ke liye Zamaana ahd me.n us ke hai mahv-e-aaraa.ish Banī.n ge aur sitaare ab aasmaa.n ke liye Waraq tamaam hu.aa aur madh baaqī hai Safīna chaahiye is bahr-e-be-karaa.n ke liye Adaa-e-khaas se Ghalib hu.aa hai nukta-saraa Salaa-e-aam hai yaaraa.n-e-nukta-daa.n ke liye