مرزا غالب

English rendering

Phir hu.aa waqt ki ho baal-kushaa mauj-e-sharaab De bat-e-mai ko dil-o-dast-e-shanaa mauj-e-sharaab Puuchh mat wajh-e-siyah-mastī-e-arbaab-e-chaman Saaya-e-taak me.n hotii hai hawaa mauj-e-sharaab Jo hu.aa gharqa-e-mai bakht-e-rasaa rakhtaa hai Sar se guzre pe bhii hai baal-e-humaa mauj-e-sharaab Hai ye barsaat wo mausam ki ajab kyaa hai agar Mauj-e-hastī ko kare faiz-e-hawaa mauj-e-sharaab Chaar mauj uThtī hai tuufaan-e-tarab se har soo Mauj-e-gul mauj-e-shafaq mauj-e-sabaa mauj-e-sharaab Jis qadar ruuh-e-nabaatii hai jigar-tishna-e-naaz De hai taskī.n ba-dam-e-aab-e-baqaa mauj-e-sharaab Bas-ke dau.De hai rag-e-taak me.n khoo.n ho ho kar Shahpar-e-rang se hai baal-kushaa mauj-e-sharaab Mauj-e-gul se charaaghaa.n hai guzar-gaah-e-khayaal Hai tasawwur me.n za-bas jalwa-numaa mauj-e-sharaab Nasha ke parde me.n hai mahv-e-tamaashaa-e-dimaagh Bas-ke rakhtī hai sar-e-nashv-o-numaa mauj-e-sharaab Ek aalam pe hai.n tuufaanī-kaifiyat-e-fasl Mauj-e-sabza-e-nau-khez se taa mauj-e-sharaab Sharh-e-ha.ngaama-e-hastī hai zahe mausam-e-gul Rahbar-e-qatra ba-daryaa hai khushaa mauj-e-sharaab Hosh u.Dte hai.n mere jalwa-e-gul dekh Asad Phir hu.aa waqt ki ho baal-kushaa mauj-e-sharaab