قفس میں ہوں گر اچھا بھی نہ جانیں میرے شیون کو
قفس میں ہوں گر اچھا بھی نہ جانیں میرے شیون کو مرا ہونا برا کیا ہے نوا سنجان گلشن کو نہیں گر ہمدمی آساں نہ ہو یہ رشک کیا کم ہے نہ دی ہوتی خدایا آرزوئے دوست دشمن کو نہ نکلا آنکھ سے تیری اک آنسو اس جراحت پر کیا سینے میں جس نے خوں چکاں مژگان سوزن کو خدا شرمائے ہاتھوں کو کہ رکھتے ہیں کشاکش میں کبھی میرے گریباں کو کبھی جاناں کے دامن کو ابھی ہم قتل گہہ کا دیکھنا آساں سمجھتے ہیں نہیں دیکھا شناور جوئے خوں میں تیرے توسن کو ہوا چرچا جو میرے پاؤں کی زنجیر بننے کا کیا بیتاب کاں میں جنبش جوہر نے آہن کو خوشی کیا کھیت پر میرے اگر سو بار ابر آوے سمجھتا ہوں کہ ڈھونڈے ہے ابھی سے برق خرمن کو وفا داری بشرط استواری اصل ایماں ہے مرے بت خانے میں تو کعبہ میں گاڑو برہمن کو شہادت تھی مری قسمت میں جو دی تھی یہ خو مجھ کو جہاں تلوار کو دیکھا جھکا دیتا تھا گردن کو نہ لٹتا دن کو تو کب رات کو یوں بے خبر سوتا رہا کھٹکا نہ چوری کا دعا دیتا ہوں رہزن کو سخن کیا کہہ نہیں سکتے کہ جویا ہوں جواہر کے جگر کیا ہم نہیں رکھتے کہ کھودیں جا کے معدن کو مرے شاہ سلیماں جاہ سے نسبت نہیں غالبؔ فریدون و جم و کے خسرو و داراب و بہمن کو
English rendering
Qafas me.n huu.n gar achha bhii na jaane.n mere shaiwan ko Meraa hona buraa kyaa hai nawaa-sanjaa.n-e-gulshan ko Nahī.n gar ham-damī aasaa.n na ho ye rashk kyaa kam hai Na dī hotī Khudaayaa aarzuu-e-dost dushman ko Na niklaa aa.nkh se terī ek a.nsuu is jaraahat par Kiyaa siine me.n jis ne khoo.n-chakaa.n mizhgaa.n-e-suzun ko Khudaa sharmaaye haatho.n ko ki rakhte hai.n kashaa-kash me.n Kabhii mere gairebaa.n ko kabhii jaanaa.n ke daaman ko Abhī ham qatl-gah ka dekhnaa aasaa.n samajhte hai.n Nahī.n dekha shanaawar-e-juu-e-kho.n me.n tere tausan ko Hu.aa charchaa jo mere paa.o.n kī za.njiir banne ka Kiyaa be-taab kaa.n me.n jumbish-e-jauhar ne aahan ko Khushī kyaa khet par mere agar sau baar abr aawe Samajhta huu.n ki Dhuu.nDhe hai abhī se barq-e-kharman ko Wafaa-daarī ba-shart-e-ustuwaarii asl-e-īmaa.n hai Mere but-khaane me.n tu Ka.aba me.n gaa.Do barhaman ko Shahaadat thī merī qismat me.n jo dī thī ye khu mujh ko Jahaa.n talwaar ko dekha jhukaa detaa thaa gardan ko Na luTtaa din ko tu kab raat ko yuu.n be-khabar sotaa Rahaa khaTkaa na chorī ka du.aa detaa huu.n rahzan ko Sukhan kyaa kah nahī.n sakte ki juyaa huu.n jawaahir ke Jigar kyaa ham nahī.n rakhte ki khode.n jaa ke ma.adan ko Mere Shah-e-Sulaimaa.n-jaah se nisbat nahī.n Ghalib Fareedū.n-o-Jam-o-Ke Khusrav-o-Daaraab-o-Bahman ko