شوق ہر رنگ رقیب سر و ساماں نکلا
شوق ہر رنگ رقیب سر و ساماں نکلا قیس تصویر کے پردے میں بھی عریاں نکلا زخم نے داد نہ دی تنگئ دل کی یا رب تیر بھی سینۂ بسمل سے پرافشاں نکلا بوئے گل نالۂ دل دود چراغ محفل جو تری بزم سے نکلا سو پریشاں نکلا دل حسرت زدہ تھا مائدۂ لذت درد کام یاروں کا بہ قدر لب و دنداں نکلا تھی نوآموز فنا ہمت دشوار پسند سخت مشکل ہے کہ یہ کام بھی آساں نکلا دل میں پھر گریہ نے اک شور اٹھایا غالبؔ آہ جو قطرہ نہ نکلا تھا سو طوفاں نکلا کارخانے سے جنوں کے بھی میں عریاں نکلا میری قسمت کا نہ ایک آدھ گریباں نکلا ساغر جلوۂ سرشار ہے ہر ذرۂ خاک شوق دیدار بلا آئنہ ساماں نکلا کچھ کھٹکتا تھا مرے سینے میں لیکن آخر جس کو دل کہتے تھے سو تیر کا پیکاں نکلا کس قدر خاک ہوا ہے دل مجنوں یا رب نقش ہر ذرہ سویداۓ بیاباں نکلا شور رسوائی دل دیکھ کہ یک نالۂ شوق لاکھ پردے میں چھپا پر وہی عریاں نکلا شوخیٔ رنگ حنا خون وفا سے کب تک آخر اے عہد شکن تو بھی پشیماں نکلا جوہر ایجاد خط سبز ہے خود بینیٔ حسن جو نہ دیکھا تھا سو آئینے میں پنہاں نکلا میں بھی معذور جنوں ہوں اسدؔ اے خانہ خراب پیشوا لینے مجھے گھر سے بیاباں نکلا
English rendering
Shauq har rang raqeeb-e-sar-o-saman nikla Qais tasveer ke parde mein bhi uriyan nikla Zakhm ne dad na di tangi-e-dil ki Ya Rab Teer bhi seena-e-bismil se pur-afshan nikla Bu-e-gul, nala-e-dil, dood-e-charagh-e-mahfil Jo teri bazm se nikla so pareshan nikla Dil hasrat-zada tha maida-e-lazzat-e-dard Kam yaron ka ba-qadar-e-lab-o-dandan nikla Thi naw-amooz-e-fana himmat-e-dushwar-pasand Sakht mushkil hai ke ye kaam bhi aasan nikla Dil mein phir girya ne ek shor uthaya Ghalib Aah jo qatra na nikla tha so toofan nikla Karkhane se junoon ke bhi main uriyan nikla Meri qismat ka na ek aadh gireban nikla Saghar-e-jalwa sarshar hai har zarra-e-khak Shauq-e-deedar bila aaina-saman nikla Kuchh khatakta tha mere seene mein lekin aakhir Jis ko dil kahte the so teer ka paikan nikla Kis qadar khak hua hai dil-e-Majnun Ya Rab Naqsh-e-har zarra sawyda-e-bayaban nikla Shor-e-ruswaai-e-dil dekh ke yak nala-e-shauq Lakh parde mein chhupa par wohi uriyan nikla Shokhi-e-rang-e-hinna khoon-e-wafa se kab tak Aakhir aye ahd-shikan tu bhi pasheman nikla Jauhar-e-eejad-e-khatt-e-sabz hai khud-beeni-e-husn Jo na dekha tha so aaine mein pinhan nikla Main bhi mazoor-e-junoon hoon Asad aye khana-kharab Peshwa lene mujhe ghar se bayaban nikla