سیاہی جیسے گر جائے دم تحریر کاغذ پر
سیاہی جیسے گر جائے دم تحریر کاغذ پر مری قسمت میں یوں تصویر ہے شب ہاۓ ہجراں کی کہوں کیا گرم جوشی مے کشی میں شعلہ رویاں کی کہ شمع خانۂ دل آتش مے سے فروزاں کی ہمیشہ مجھ کو طفلی میں بھی مشق تیرہ روزی تھی سیاہی ہے مرے ایام میں لوح دبستاں کی دریغ آہ سحر گہ کار باد صبح کرتی ہے کہ ہوتی ہے زیادہ سرد مہری شمع رویاں کی مجھے اپنے جنوں کی بے تکلف پردہ داری تھی ولیکن کیا کروں آوے جو رسوائی گریباں کی ہنر پیدا کیا ہے میں نے حیرت آزمائی میں کہ جوہر آئنے کا ہر پلک ہے چشم حیراں کی خدایا کس قدر اہل نظر نے خاک چھانی ہے کہ ہیں صد رخنہ جوں غربال دیواریں گلستاں کی ہوا شرم تہی دستی سے سے وہ بھی سرنگوں آخر بس اے زخم جگر اب دیکھ لے شورش نمکداں کی بیاد گرمیٔ صحبت بہ رنگ شعلہ دہکے ہے چھپاؤں کیونکہ غالبؔ سوزشیں داغ نمایاں کی جنوں تہمت کش تسکیں نہ ہو گر شادمانی کی نمک پاش خراش دل ہے لذت زندگانی کی کشاکش ہاۓ ہستی سے کرے کیا سعی آزادی ہوئی زنجیر موج آب کو فرصت روانی کی نہ کھینچ اے سعیٔ دست نارسا زلف تمنا کو پریشاں تر ہے موئے خامہ سے تدبیر مانی کی کہاں ہم بھی رگ و پے رکھتے ہیں انصاف بہتر ہے نہ کھینچے طاقت خمیازہ تہمت ناتوانی کی تکلف برطرف فرہاد اور اتنی سبکدستی خیال آساں تھا لیکن خواب خسرو نے گرانی کی پس از مردن بھی دیوانہ زیارت گاہ طفلاں ہے شرار سنگ نے تربت پہ میری گل فشانی کی اسدؔ کو بوریے میں دھر کے پھونکا موج ہستی نے فقیری میں بھی باقی ہے شرارت نوجوانی کی
English rendering
Siyahi jaise gir jaye dam-e-tahreer kaghaz par Meri qismat mein yun tasveer hai shab-hay-e-hijran ki Kahoon kya garam-joshi-e-may-kashi mein shola-rooyan ki Ke shama-e-khana-e-dil atish-e-may se furozan ki Hamesha mujh ko tifli mein bhi mashq-e-teerah-rozi thi Siyahi hai mere ayyam mein loh-e-dabistan ki Daregh aah-e-sahar-gah kaar-e-bad-e-subh karti hai Ke hoti hai ziyada sard-mehri-e-shama-e-rooyan ki Mujhe apne junoon ki be-takalluf parda-dari thi Walekin kya karoon aave jo ruswaai-e-gireban ki Hunar paida kiya hai main ne hairat-aazmai mein Ke jauhar-e-aaina ka har palak hai chashm-e-hairan ki Khudaya kis qadar ahl-e-nazar ne khak chhani hai Ke hain sad rakhna joon gharbal diwarein gulistan ki Hua sharm-e-tahi-dasti se wo bhi sar-nigoon aakhir Bas aye zakhm-e-jigar ab dekh le shorish-e-namakdan ki Ba-yaad-e-garmi-e-sohbat ba-rang-e-shola dahke hai Chhupaoon kyunkar Ghalib sozishein dagh-e-numayan ki Junoon tuhmat-kash-e-taskeen na ho gar shadmani ki Namak-pash-e-kharash-e-dil hai lazzat-e-zindagani ki Kashish-hay-e-hasti se kare kya sayi-e-azadi Hui zanjeer-e-mauj-e-aab ko fursat-e-rawani ki Na khench aye sayi-e-dast-e-narasai zulf-e-tamanna ko Pareshan tar hai mu-e-khama se tadbeer-e-maani ki Kahan ham bhi rag-o-pay rakhte hain insaf behtar hai Na khenche taqat-e-khamyaza tuhmat-e-natawani ki Takalluf bar taraf Farhad aur itni subuk-dasti Khayal aasan tha lekin khwab-e-Khusrau ne girani ki Pas az murdan bhi diwana ziyarat-gah-e-tiflan hai Sharar-e-sang ne turbat pe meri gul-fashani ki Asad ko boriye mein dhar ke phoonka mauj-e-hasti ne Faqeeri mein bhi baqi hai shararat-e-naujawani ki