تیرے توسن کو صبا باندھتے ہیں
تیرے توسن کو صبا باندھتے ہیں ہم بھی مضموں کی ہوا باندھتے ہیں آہ کا کس نے اثر دیکھا ہے ہم بھی ایک اپنی ہوا باندھتے ہیں تیری فرصت کے مقابل اے عمر برق کو پابہ حنا باندھتے ہیں قید ہستی سے رہائی معلوم اشک کو بے سر و پا باندھتے ہیں نشۂ رنگ سے ہے واشد گل مست کب بند قبا باندھتے ہیں غلطی ہائے مضامیں مت پوچھ لوگ نالے کو رسا باندھتے ہیں اہل تدبیر کی واماندگیاں آبلوں پر بھی حنا باندھتے ہیں سادہ پرکار ہیں خوباں غالبؔ ہم سے پیمان وفا باندھتے ہیں پاؤں میں جب وہ حنا باندھتے ہیں میرے ہاتھوں کو جدا باندھتے ہیں حسن افسردہ دل ہا رنگیں شوق کو پا بہ حنا باندھتے ہیں قید میں بھی ہے اسیری آزاد چشم زنجیر کو وا باندھتے ہیں شیخ جی کعبے کا جانا معلوم آپ مسجد میں گدھا باندھتے ہیں کس کا دل زلف سے بھاگا کہ اسدؔ دست شانہ بہ قضا باندھتے ہیں تیرے بیمار پہ ہیں فریادی وہ جو کاغذ میں دوا باندھتے ہیں
English rendering
Tere tausan ko saba baandhte hain Ham bhi mazmoon ki hawa baandhte hain Aah ka kis ne asar dekha hai Ham bhi ek apni hawa baandhte hain Teri fursat ke muqabil aye umr Barq ko pa-ba-hinna baandhte hain Qaid-e-hasti se rihaai maloom Ashk ko be-sar-o-pa baandhte hain Nasha-e-rang se hai washad-e-gul Mast kab band-e-qaba baandhte hain Ghalti-hay-e-mazameen mat poochh Log nale ko rasa baandhte hain Ahl-e-tadbeer ki wamandagiyan Aablon par bhi hinna baandhte hain Sada-e-pur-kar hain khooban Ghalib Ham se paeeman-e-wafa baandhte hain Paon mein jab wo hinna baandhte hain Mere hathon ko juda baandhte hain Husn-e-afsarda-e-dil-ha-e-rangeen Shauq ko pa-ba-hinna baandhte hain Qaid mein bhi hai aseeri azad Chashm-e-zanjeer ko wa baandhte hain Shaikh jee Kaabe ka jaana maloom Aap masjid mein gadha baandhte hain Kis ka dil zulf se bhaga ke Asad Dast-e-shana ba-qaza baandhte hain Tere beemar pe hain faryadi Wo jo kaghaz mein dawa baandhte hain