تم جانو تم کو غیر سے جو رسم و راہ ہو
تم جانو تم کو غیر سے جو رسم و راہ ہو مجھ کو بھی پوچھتے رہو تو کیا گناہ ہو بچتے نہیں مواخذۂ روز حشر سے قاتل اگر رقیب ہے تو تم گواہ ہو کیا وہ بھی بے گنہ کش و حق ناشناس ہیں مانا کہ تم بشر نہیں خورشید و ماہ ہو ابھرا ہوا نقاب میں ہے ان کے ایک تار مرتا ہوں میں کہ یہ نہ کسی کی نگاہ ہو جب مے کدہ چھٹا تو پھر اب کیا جگہ کی قید مسجد ہو مدرسہ ہو کوئی خانقاہ ہو سنتے ہیں جو بہشت کی تعریف سب درست لیکن خدا کرے وہ ترا جلوہ گاہ ہو غالبؔ بھی گر نہ ہو تو کچھ ایسا ضرر نہیں دنیا ہو یا رب اور مرا بادشاہ ہو
English rendering
Tum jaano tum ko ghair se jo rasm-o-raah ho Mujh ko bhi poochhte raho to kya gunah ho Bachte nahin muakhza-e-roz-e-hashr se Qatil agar raqeeb hai to tum gawah ho Kya woh bhi be-gunah-kush-o-haq-nashinas hain Mana ki tum bashar nahin, khurshid-o-maah ho Ubhra hua niqab mein hai un ke ek taar Marta hoon main ki yeh na kisi ki nigah ho Jab mai-kada chhuta to phir ab kya jagah ki qaid Masjid ho madrasa ho koi khanqah ho Sunte hain jo bahisht ki tareef sab durust Lekin khuda kare woh tera jalwa-gah ho Ghalib bhi gar na ho to kuchh aisa zarar nahin Duniya ho ya Rab aur mera badshah ho