مرزا غالب

English rendering

Yek zarra zameen nahin be-kaar bagh ka Yaan jaada bhi fateela hai lale ke daagh ka Be-may kise hai taqat-e-aashob-e-agahi Kheencha hai ajz-e-hausla ne khat-e-ayagh ka Bulbul ke karobar pe hain khanda-haye-gul Kehte hain jis ko ishq khalal hai dimagh ka Taza nahin hai nasha-e-fikr-e-sukhan mujhe Tiryaki-e-qadeem hoon dood-e-chiragh ka Sau baar band-e-ishq se aazad hum hue Par kya karein ki dil hi adoo hai faragh ka Be-khoon-e-dil hai chashm mein mauj-e-nigah-e-ghubar Yeh mai-kada kharab hai may ke suragh ka Bagh-e-shagufta tera basat-e-nishat-e-dil Abr-e-bahar kham-kada kis ke dimagh ka Josh-e-bahar-e-ulfat-e-nazzara hai Asad Hai abr-e-panba rozein-e-deewar-e-bagh ka