گمان سارے یقین کر کے — نا معلوم
شاعر
گمان سارے یقین کر کے
گمان سارے یقین کر کے
سزا ہی مجھ کو بنا نہ دینا
حیات میری مجھی میں رہنا
قضا ہی مجھ کو بنا نہ دینا
صلے کا مجھ کو گلہ نہیں
نہیں ملا تو نہیں سہی پر
وفا ہی میری نہ چھین لینا
جفا ہی مجھ کو بنا نہ دینا
یہ زلف ایسے ہے رخ پہ لپٹی
سبو پہ جیسے عدو کا پہرہ
میں خود کو ڈستا پھروں ہمیشہ
بَلا ہی مجھ کو بنا نہ دینا
ہزار نازوں میں پلنے والا
کمال نخرے اُٹھا رہا ہے
ادا کا عادی بنانے والی
خطا ہی مجھ کو بنا نہ دینا
میں تیرا ہم راز تیرا ہم دم
کبھی تو مجھ کو شریک کر لے
فریب مجھ کو دکھا دکھا کے
دغا ہی مجھ کو بنا نہ دینا
یہ ننھے جگنو میرے مُقّلد
میں مثلِ رہبر رہا ہوں لیکن
قبر کے کتبے پہ بیٹھا روئے
دیا ہی مجھ کو بنا نہ دینا
وجۂ صرصر تمہی سے سیکھی
یہ نرم خوہی بھی تم سے پائی
مگر نہ دیکھے جو دوست دشمن
ہوا ہی مجھ کو بنا نہ دینا
ستم پرستی بجا ہے لیکن
نفس پرستی نہ ہو تو اچھا
انا پرستی سکھا سکھا کے
خدا ہی مجھ کو بنا نہ دینا
Gumaan saare yaqeen kar kar ke
Gumaan saare yaqeen kar kar ke
Saza hi mujh ko bana na dena
Hayaat meri mujhi mein rehna
Qaza hi mujh ko bana na dena
Sile ka mujh ko gila nahin
Nahin mila to nahin sahi par
Wafa hi meri na chheen lena
Jafa hi mujh ko bana na dena
Yh zulf aise hai rukh pe lipati
Saboo pe jaise adoo ka pehra
Main khud ko dasta phiroon hamesha
Bala hi mujh ko bana na dena
Hazar nazon mein palne wala
Kamal nakhre utha raha hai
Ada ka aadi banane wali
Khata hi mujh ko bana na dena
Main tera hamraz tera hamdam
Kabhi tu mujh ko shareek kar le
Fareb mujh ko dikha dikha ke
Dagha hi mujh ko bana na dena
Yh nanhe jugnoo mere muqallid
Main misl-e-rahbar raha hoon lekin
Qabr ke kutbe pe baitha roye
Diya hi mujh ko bana na dena
Wajah-e-sarsar tumhi se seekhi
Yeh narm khui bhi tum se payi
Magar na dekhe jo dost dushman
Hawa hi mujh ko bana na dena
Sitam parasti baja hai lekin
Nafs parasti na ho to achha
Ana parasti sikha sikha ke
Khuda hi mujh ko bana na dena