ارادہ روز کرتا ہوں، مگر کچھ کر نہیں سکتا — نا معلوم
شاعر
ارادہ روز کرتا ہوں، مگر کچھ کر نہیں سکتا
ارادہ روز کرتا ہوں، مگر کچھ کر نہیں سکتا
میں پیشہ ور فریبی ہوں، محبت کر نہیں سکتا
میں تم سے صاف کہتا ہوں، مجھے تم سے نہیں الفت
فقط لفظی محبت ہے، میں تم پہ مر نہیں سکتا
محبت کی مسافت نے بہت زخمی کیا مجھ کو
ابھی یہ زخم بھرنے ہیں، میں آہیں بھر نہیں سکتا
یہاں ہر ایک چہرے پر الگ تحریر لکھی ہے
میری آنکھوں میں آنسو ہیں، ابھی کچھ پڑھ نہیں سکتا
میں اپنی رات کی زلفوں میں خود چاندی سجاتا ہوں
میں اس کی مانگ میں وعدوں کے ہیرے جَڑ نہیں سکتا
" بھلے جھوٹا منافق ہوں، بہت دھوکے دئیے، لیکن
محبت کی صدا ہوں میں، میں دھوکا کر نہیں سکتا "
میں اس گھر کا مقیمی ہوں، جسے اوقات کہتے ہیں
میں اپنی حد میں رہتا ہوں، سو آگے بڑھ نہیں سکتا
ابھی کچھ شعر رہتے ہیں، مگر لکھنے نہیں ہرگز
کسی کی لاج رکھنی ہے، سو ظاہر کر نہیں سکتا.
علی سرمد
Irada roz karta hoon, magar kuch kar nahin sakta
Irada roz karta hoon, magar kuch kar nahin sakta
Main pesha-war farebi hoon, mohabbat kar nahin sakta
Main tum se saaf kehta hoon, mujhe tum se nahin ulfat
Faqat lafzi mohabbat hai, main tum pe mar nahin sakta
Mohabbat ki musafat ne bohut zakhmi kiya mujh ko
Abhi yeh zakhm bharne hain, main aahein bhar nahin sakta
Yahan har ek chehre par alag tehreer likhi hai
Meri aankhon mein aansu hain, abhi kuch parh nahin sakta
Main apni raat ki zulfon mein khud chaandi sajaata hoon
Main us ki maang mein waadon ke heere jarr nahin sakta
"Bhale jhoota munafiq hoon, bohut dhoke diye, lekin
Mohabbat ki sada hoon main, main dhoka kar nahin sakta"
Main us ghar ka muqeemi hoon, jise auqat kehte hain
Main apni hadd mein rehta hoon, so aage barh nahin sakta
Abhi kuch sher rehte hain, magar likhne nahin hargiz
Kisi ki laaj rakhni hai, so zahir kar nahin sakta.
Ali Sarmad