آج ذرا فرصت پائی تھی آج اسے پھر یاد کیا
آج ذرا فرصت پائی تھی آج اسے پھر یاد کیا بند گلی کے آخری گھر کو کھول کے پھر آباد کیا کھول کے کھڑکی چاند ہنسا پھر چاند نے دونوں ہاتھوں سے رنگ اڑائے پھول کھلائے چڑیوں کو آزاد کیا بڑے بڑے غم کھڑے ہوئے تھے رستہ روکے راہوں میں چھوٹی چھوٹی خوشیوں سے ہی ہم نے دل کو شاد کیا بات بہت معمولی سی تھی الجھ گئی تکراروں میں ایک ذرا سی ضد نے آخر دونوں کو برباد کیا داناؤں کی بات نہ مانی کام آئی نادانی ہی سنا ہوا کو پڑھا ندی کو موسم کو استاد کیا
English rendering
Aaj zara fursat paai thi aaj use phir yaad kiya Band gali ke aakhiri ghar ko khol ke phir aabaad kiya Khol ke khirki chand hansa phir chand ne donon haathon se Rang udaaye phool khilaaye chidiyon ko aazaad kiya Bade bade gham khade hue the rasta roke raahon mein Chhoti chhoti khushiyon se hi hum ne dil ko shaad kiya Baat bahut mamooli si thi ulajh gai takraaron mein Ek zara si zid ne aakhir donon ko barbaad kiya Daanaon ki baat na maani kaam aai nadaani hi Suna hawa ko padha nadi ko mausam ko ustaad kiya