بے خواب نیند
نہ جانے کون وہ بہروپیا ہے جو ہر شب مری تھکی ہوئی پلکوں کی سبز چھاؤں میں طرح طرح کے کرشمے دکھایا کرتا ہے لپکتی سرخ لپٹ جھومتی ہوئی ڈالی چمکتے تال کے پانی میں ڈوبتا پتھر ابھرتے پھیلتے گھیروں میں تیرتے خنجر اچھلتی گیند ربڑ کی سدھے ہوئے دو ہاتھ سلگتے کھیت کی مٹی پہ ٹوٹتی برسات عجیب خواب ہیں یہ بنا وضو کئے سوئی نہیں کبھی میں تو میں سوچتی ہوں کسی روز اپنی بھابی کے چمکتے پاؤں کی پازیب توڑ کر رکھ دوں بڑی شریر ہے ہر وقت شور کرتی ہیں کسی طرح سہی بے خواب نیند تو آئے گھڑی گھڑی کی مصیبت سے جان چھٹ جائے
English rendering
Na jaane kaun woh bahrupiya hai Jo har shab Meri thaki hui palkon ki sabz chhaaon mein Tarah tarah ke karishme dikhaya karta hai Lapakti surkh lapatt Jhoomti hui daali Chamakte taall ke pani mein doobta patthar Ubharte phailte gheron mein tairte khanjar Uchhalti gend rubber ki sudhe hue do haath Sulgte khet ki mitti pe tootati barsaat Ajeeb khwab hain yeh Bina wuzu kiye soyi nahin kabhi main toh Main sochti hoon Kisi roz apni bhabhi ke Chamakte paon ki paazeb tod kar rakh doon Badi shareer hai har waqt shor karti hain Kisi tarah sahi be-khwab neend toh aaye Ghadi ghadi ki museebat se jaan chhut jaye