ندا فاضلی

English rendering

Besan ki sondhi roti par khatti chatni jaisi Maa Yaad aati hai chauka baasan chimta phukni jaisi Maa Baans ki khari khat ke upar har aahat par kaan dhare Aadhi soi aadhi jaagi thaki dopahri jaisi Maa Chidiyon ki chehkaar mein gunje Radha Mohan Ali Ali Murge ki aawaz se bajti ghar ki kundi jaisi Maa Biwi beti bahan padosan thodi thodi si sab mein Din bhar ek rassi ke upar chalti natni jaisi Maa Baant ke apna chehra matha aankhen jaane kahan gain Phate purane ek album mein chanchal ladki jaisi Maa