کچھ بھی بچا نہ کہنے کو ہر بات ہو گئی
کچھ بھی بچا نہ کہنے کو ہر بات ہو گئی آؤ کہیں شراب پئیں رات ہو گئی پھر یوں ہوا کہ وقت کا پانسہ پلٹ گیا امید جیت کی تھی مگر مات ہو گئی سورج کو چونچ میں لیے مرغا کھڑا رہا کھڑکی کے پردے کھینچ دیے رات ہو گئی وہ آدمی تھا کتنا بھلا کتنا پرخلوص اس سے بھی آج لیجے ملاقات ہو گئی رستے میں وہ ملا تھا میں بچ کر گزر گیا اس کی پھٹی قمیص مرے ساتھ ہو گئی نقشہ اٹھا کے کوئی نیا شہر ڈھونڈیئے اس شہر میں تو سب سے ملاقات ہو گئی
English rendering
Kuchh bhi bacha na kehne ko har baat ho gayi Aao kahin sharaab piyen raat ho gayi Phir yoon hua ke waqt ka paansa palat gaya Ummeed jeet ki thi magar maat ho gayi Suraj ko chonch mein liye murgha khada raha Khidki ke parde kheench diye raat ho gayi Woh aadmi tha kitna bhala kitna pur-khaloos Uss se bhi aaj leejay mulaqaat ho gayi Raaste mein woh mila tha main bach kar guzar gaya Uss ki phati qameez mere saath ho gayi Naqsha utha ke koi naya shahar dhoondiye Iss shahar mein toh sab se mulaqaat ho gayi