نشہ نشہ کے لئے ہے عذاب میں شامل
نشہ نشہ کے لئے ہے عذاب میں شامل کسی کی یاد کو کیجے شراب میں شامل ہر اک تلاش یہاں فاصلوں سے روشن ہے حقیقتیں کہاں ہوتی ہیں خواب میں شامل وہ تم نہیں ہو تو پھر کون تھا وہ تم جیسا کسی کا ذکر تو تھا ہر کتاب میں شامل ہمیں بھی شوق ہے اپنی طرف سے جینے کا ہمارا نام بھی کیجے عتاب میں شامل اکیلے کمرے میں گلدان بولتے کب ہیں تمہارے ہونٹ ہیں شاید گلاب میں شامل زمین روز کہاں معجزہ دکھاتی ہے مری نگاہ بھی ہوگی نقاب میں شامل اسی کا نام ہے نغمہ اسی کا نام غزل وہ اک سکون جو ہے اضطراب میں شامل
English rendering
Nasha nasha ke liye hai azaab mein shamil Kisi ki yaad ko kijiye sharab mein shamil Har ek talaash yahan faaslon se roshan hai Haqeeqaten kahan hoti hain khwab mein shamil Woh tum nahin ho to phir kaun tha woh tum jaisa Kisi ka zikr to tha har kitaab mein shamil Humen bhi shauq hai apni taraf se jeene ka Hamara naam bhi kijiye itaab mein shamil Akele kamre mein guldan bolte kab hain Tumhare honth hain shayad gulab mein shamil Zameen roz kahan mojiza dikhati hai Meri nigah bhi hogi naqab mein shamil Isi ka naam hai naghma isi ka naam ghazal Woh ek sukoon jo hai iztiraab mein shamil