ٹھہرے جو کہیں آنکھ تماشا نظر آئے
ٹھہرے جو کہیں آنکھ تماشا نظر آئے سورج میں دھواں چاند میں صحرا نظر آئے رفتار سے تابندہ امیدوں کے جھروکے ٹھہروں تو ہر اک سمت اندھیرا نظر آئے سانچوں میں ڈھلے قہقہے سوچی ہوئی باتیں ہر شخص کے کاندھوں پہ جنازہ نظر آئے ہر راہ گزر راستہ بھولا ہوا بالک ہر ہاتھ میں مٹی کا کھلونا نظر آئے کھوئی ہیں ابھی میں کے دھندلکوں میں نگاہیں ہٹ جائے یہ دیوار تو دنیا نظر آئے جس سے بھی ملیں جھک کے ملیں ہنس کے ہوں رخصت اخلاق بھی اس شہر میں پیشہ نظر آئے
English rendering
Thehre jo kahin aankh tamasha nazar aaye Suraj mein dhuan chand mein sehra nazar aaye Raftaar se tabinda ummeedon ke jharoke Thehroon to har ek samt andhera nazar aaye Saanchon mein dhale qahqahe sochi hui baaten Har shakhs ke kaandhon pe janaza nazar aaye Har rah guzar rasta bhoola hua baalak Har haath mein mitti ka khilauna nazar aaye Khoi hain abhi main ke dhundlakon mein nigahen Hat jaaye yeh deewar to duniya nazar aaye Jis se bhi milen jhuk ke milen hans ke hon rukhsat Akhlaq bhi is shehr mein pesha nazar aaye