جو بے ثبات ہو اس سر خوشی کو کیا کیجے
جو بے ثبات ہو اس سر خوشی کو کیا کیجے یہ زندگی ہے تو پھر زندگی کو کیا کیجے رکا جو کام تو دیوانگی ہی کام آئی نہ کام آئے تو فرزانگی کو کیا کیجے یہ کیوں کہیں کہ ہمیں کوئی رہنما نہ ملا مگر سرشت کی آوارگی کو کیا کیجے کسی کو دیکھ کے اک موج لب پہ آ تو گئی اٹھے نہ دل سے تو ایسی ہنسی کو کیا کیجے ہمیں تو آپ نے سوز الم ہی بخشا تھا جو نور بن گئی اس تیرگی کو کیا کیجے ہمارے حصے کا اک جرعہ بھی نہیں باقی نگاہ دوست کی مے خانگی کو کیا کیجے جہاں غریب کو نان جویں نہیں ملتی وہاں حکیم کے درس خودی کو کیا کیجے وصال دوست سے بھی کم نہ ہو سکی راشدؔ ازل سے پائی ہوئی تشنگی کو کیا کیجے
English rendering
Jo be-sabaat ho us sar-khushi ko kya keejiye Yeh zindagi hai to phir zindagi ko kya keejiye Ruka jo kaam to deewangi hi kaam aayi Na kaam aaye to farzaangi ko kya keejiye Yeh kyun kahen ke hamein koi rahnuma na mila Magar sarisht ki aawaargi ko kya keejiye Kisi ko dekh ke ek mauj lab pe aa to gai Uthe na dil se to aisi hansi ko kya keejiye Hamein to aap ne soz-e-alam hi bakhsha tha Jo noor ban gai us teeragi ko kya keejiye Hamare hisse ka ek jur'a bhi nahin baaqi Nigaah-e-dost ki may-khanagi ko kya keejiye Jahan ghareeb ko naan-e-javein nahin milti Wahan Hakeem ke dars-e-khudi ko kya keejiye Visaal-e-dost se bhi kam na ho saki Rashidؔ Azal se paai hui tashnagi ko kya keejiye