کڈائیں وی میڈے خدا نیئں آکھا
کڈائیں وی میڈے خدا نیئں آکھا جو اے سی آلی مسیت ہووے قالین ہوون یا سنگِ مرمر تڈاں نمازاں قبول کرساں کڈائیں وی میڈے خدا نیئں آکھا غلافِ کعبہ تے چاڑھو سونا یا کئیں ولی دے مزار اتے چڑھاؤ چـــادر یا دیگاں ڈیوو اے گلو ننگے تے پیروانڑاں کوں چھوڑ ڈیوو کروڑ ڈیوو کڈائیں وی میڈے خدا نیئں آکھا جو رات ساری سپیکراں تے تساں تفرقے کھنڈاونڑ آلے بیان کرو نہ دھیان کرو کڈائیں وی میڈے خدا نی آکھا چودھار مسجد دے راہون آلی اے میڈی خلقت غریب طبقہ ڈیہاڑی پورھے تو ول کے آوے تاں رات ساری جگائی رکھو جہان سر تے اٹھائی رکھو مگر اتھوں دا نظام الٹائےتمام الٹائے جے کئی غریباں دا حق چا مارے گوانڈھی بھاویں ہے بکھا سمدا تاں سمدا راہوے یا کئیں دی دھی دی جوانی پیو دی الانگھی (چوکھٹ) اتے جے گلدی پئی اے تاں گلدی راہوے اساڈا کے ہے ایتھوں دے حاجی نمازی سارے ایہو اکھیندن فقط ڈسیندن جو ہر کئیں اپنا خیال رکھنائیں خدا دی خلقت خدا دے ذمے خدا دی خلقت کوں چھوڑی رکھو مسیتاں جھا جھا تے جوڑی رکھو
English rendering
Kadaain vi maede Khuda nai aakha Jo aye si aali maseet howe Qaleen howan ya sang-e-marmar Taraan namaazan qabool karsaan Kadaain vi maede Khuda nai aakha Ghilaaf-e-Kaaba te charhao sona Ya kai'n wali de mazaar utte Charhao chaadar ya degan devu Aye galo nangay te peervanraan Ko'n chhor devu karorr devu Kadaain vi maede Khuda nai aakha Jo raat saari speaker'aan te Tusaan tafraqe khandawanr aale Bayan karo na dhiyan karo Kadaain vi maede Khuda nai aakha Chaudhaar masjid de raahwan aale Aye medi khalqat ghareeb tabqa Dehari poorhe to wal ke aawe Taan raat saari jagai rakho Jahan sar te uthai rakho Magar ithon da nizaam ultaaye tamaam ultaaye Jey kai'n ghareeb'aan da haq cha maare Gwandi bhawein he bhukha samda taan samdi rahowe Ya kai'n di dhi di jawani piyoo di Alanghi (chaukhat) utte jey galdi pai ae Taan galdi rahowe asada ke he Ithon de Haji Namazi saare Ehho akheendann faqat disindann Jo har kai'n apna khayal rakhnaeen Khuda di khalqat Khuda de zimme Khuda di khalqat ko'n chhori rakho Maseetan jhaa jhaa te jori rakho