گاؤں بھی مہکتا تھا عطرتی ہواؤں سے
گاؤں بھی مہکتا تھا عطرتی ہواؤں سے صبح جب نکلتے تھے پھول خواب گاہوں سے خوں بہا عزیزوں کا آفتاب سے لوں گا دھوپ کھا گئی میرے لوگ ٹھنڈی چھاؤں سے آئینہ چٹخنے میں دیر کتنی لگتی ہے یوں سوال کرتے ہو گونگی بہری ماؤں سے سامنے پڑی تھی اور ہاتھ تک لگایا نئیں ہم نے اک طرف کر دی دنیا اپنے پاؤں سے جسم شہر آیا تھا جسم شہر رہتا ہے دل کو لاکھ سمجھایا دل نہ آیا گاؤں سے آپ نے دیے تھے جو زخم کافی گہرے تھے اب وہ خاصے بہتر ہیں آپ کی دعاؤں سے خالی کا سے مت پھینکو، آؤ اب کے گلیوں میں دل روانہ کرتے ہیں باندھ کر صداؤں سے
English rendering
Gaon bhi mahakta tha itr'ti hawaon se Subah jab nikalte thhe phool khwabgahon se Khoon baha azeezon ka aaftab se lunga Dhoop kha gai mere log thandi chhaon se Aaina chatakhne mein der kitni lagti hai Yun sawal karte ho goongi behri maaon se Samne padi thi aur haath tak lagaya nahin Hum ne ek taraf kar di duniya apne paaon se Jism shahar aaya tha jism shahar rahta hai Dil ko lakh samjhaya dil na aaya gaon se Aap ne diye thhe jo zakhm kaafi gehre thhe Ab woh khaase behtar hain aap ki duaon se Khaali kaase mat phenko, aao ab ke galiyon mein Dil rawana karte hain baandh kar sadaon se