جونہی گھبرا کے مری آنکھ سے آنسو نکلے
جونہی گھبرا کے مری آنکھ سے آنسو نکلے ماں کی تصویر سے بے ساختہ بازو نکلے آپ کی ترش مزاجی بھی گوارا لیکن بات جیسی بھی ہو مگر امن کا پہلو نکلے ایک میں خاک تو دوجے میں اٹھا کر دولت پھینکنے والے ترے ہاتھ ترازو نکلے میرے سردار نے کچھ ایسے مدینہ چھوڑا جیسے ٹہنی پہ کھلے پھول سے خوشبو نکلے میں نے مقتل میں جو یاروں کو صدا دی راکب سر کہیں سے تو کہیں ریت سے بازو نکلے
English rendering
Jooñhī ghabrā ke mirī āñkh se āñsū nikle Maañ kī tasveer se be-sākhtah bāzū nikle Aap kī tursh-mizājī bhī gawārā lekin Baat jaisī bhī ho magar amn kā pehlū nikle Ek meñ khāk to dooje meñ uṭhā kar daulat Phekne wāle tere hāth tarāzū nikle Mere sardār ne kuchh aise Madīnah chhoṛā Jaise ṭehnī pe khule phool se khushboo nikle Maiñ ne maqtal meñ jo yāroñ ko sadā dī Rākib Sar kahīñ se to kahīñ ret se bāzū nikle