پہاڑ لوگ تھے , غداریوں پہ وارے گئے
پہاڑ لوگ تھے , غداریوں پہ وارے گئے پسِ غبار مرے شہسوار مارے گئے جزا کے طور پہ زندہ رکھا گیا مجھ کو سزا کے طور پہ آنکھوں میں تیر مارے گئے تمہارے بعد وہ تسبیح توڑ دی ہم نے تمہاری خیر ہو اپنے تو استخارے گئے غریب تر تھا ہمیں ہم سے مانگنے والا صدا کے لہجے میں ہم دیر تک پکارے گئے انہیں مری مجھے ان کی اشد ضرورت تھی جدھر جدھر میں گیا اس طرف خسارے گئے بلا سبب نہیں تڑپا زمینٍ مقتل پر مرے قریب سے قاتل مرے گزارے گئے
English rendering
Pahāṛ log the, ghaddāriyoñ pe wāre ga'e Pas-e-ghubār mare shahsawār maare ga'e. Jazā ke taur pe zindah rakhā gayā mujh ko Sazā ke taur pe āñkhoñ meñ tīr maare ga'e. Tumhāre ba'd woh tasbīḥ toṛ dī ham ne Tumhārī khair ho apne to istikhāre ga'e. Gharīb tar thā hameñ ham se māñgne wālā Sadā ke lahje meñ ham der tak pukāre ga'e. Unhīñ marī mujhe un kī ashad zarūrat thī Jidhar jidhar maiñ gayā us taraf khasāre ga'e. Bilā sabab nahīñ taṛpā zamīñ pe maqtal par Mare qarīb se qātil mare guzāre ga'e.