بلند اڑان نئے بال و پر تلاش کرو — رانا احمد شہید
شاعر
بلند اڑان نئے بال و پر تلاش کرو
بلند اڑان نئے بال و پر تلاش کرو
نیا سفر ہے نئی رہگزر تلاش کرو
طویل ہو یا کٹھن راستہ تو کیا غم ہے
سفر کی فکر نہیں، ہم سفر تلاش کرو
جو منزلوں سے نہیں راستوں سے واقف ہو
وہ میرِ کارواں وہ راہبر تلاش کرو
نہ ڈھونڈتے رہو اوروں کی خامیاں ہرپل
بس اپنی خوبیاں اپنے ہنر تلاش کرو
ہر ایک رازِ حقیقت کھلے گا تم پر بھی
نظر کو چھوڑ دو اہلِ نظر تلاش کرو
رانا احمد شہید
Buland udaan naye baal-o-par talaash karo
Buland udaan naye baal-o-par talaash karo
Naya safar hai nayi rehguzar talaash karo
Taveel ho ya kathan raasta toh kya gham hai
Safar ki fikr nahin, humsafar talaash karo
Jo manzilon se nahin raaston se waaqif ho
Woh Mir-e-kaarwan woh rahber talaash karo
Na dhoondhte raho auron ki khaamiyan har pal
Bas apni khoobiyan apne hunar talaash karo
Har ek raaz-e-haqeeqat khulega tum par bhi
Nazar ko chhod do ahl-e-nazar talaash karo
شاعر کے بارے میں
رانا احمد شہید معاصر اردو ادب اور اعلیٰ تعلیم کے میدان کی ایک ایسی ہمہ جہت شخصیت ہیں جنہوں نے تدریس، تحقیق اور تخلیقی ادب تینوں شعبوں میں نمایاں خدمات انجام دی ہیں۔ 25 جون 1978ء کو پیدا ہونے والے رانا احمد شہید نے انگریزی ادب میں اعلیٰ تعلیم حاصل کی اور جامعہ پنجاب سے ایم اے، جامعہ گجرات سے ایم فل اور بعد ازاں آسٹریلیا کی ایونڈیل یونیورسٹی اور چ...
مکمل تعارف پڑھیں