سیاہ راتوں کے سب مسافر کبھی تو وقتِ سحر میں ہوں گے
سیاہ راتوں کے سب مسافر کبھی تو وقتِ سحر میں ہوں گے ہاں صبحِ روشن اُنہیں ملے گی قدم جنھوں کے سفر میں ہوں گے جو زرد پتوں کا درد جانیں بہار رُت اُن کے در پہ ہوگی کھلے کھلے سبز سبز پتے انہی کے گھر کے شجر میں ہوں گے ہے ساحلوں پر یہ جشن کیسا ہے اک ہنگامہ یہ منچلوں کا جو بھول بیٹھے ہیں بچھڑے ساتھی ابھی بھی شاید بھنور میں ہوں گے جب آشیاں کوئی جل رہا ہو تو عین ممکن ہے اُس کے دشمن چھپے ہوئے اُسی گھر میں ہوں گے یا گھر کے دیوار و در میں ہوں گے وہ شخص جس کے ہوں خواب ایسے کہ وسعتِ آساں سے اُونچے تمام ارفع مقام احمد اُسی کی حدِ نظر میں ہوں گے
English rendering
Siyah raton ke sab musafir kabhi toh waqt-e-sahar mein honge Haan subah-e-roshan unhein milegi qadam jinhon ke safar mein honge Jo zard patton ka dard jaanein bahar rut un ke dar pe hogi Khile khile sabz sabz patte unhi ke ghar ke shajar mein honge Hai saahilon par yeh jashn kaisa hai ik hungama yeh manchalon ka Jo bhool baithe hain bichre saathi abhi bhi shayad bhanwar mein honge Jab aashiyan koi jal raha ho toh ain mumkin hai us ke dushman Chupe hue usi ghar mein honge ya ghar ke deewar-o-dar mein honge Woh shakhs jis ke hon khwab aise ke wusat-e-aasman se oonche Tamaam arfa maqam Ahmed usi ki had-e-nazar mein honge