جھونکے ہو تم تو دل کے بھی آنگن سے ہو چلو
جھونکے ہو تم تو دل کے بھی آنگن سے ہو چلو آنسو کی طرح آنکھوں سے، دامن سے ہو چلو حرف و سخن مرا ہے مرے دل کا آئینہ لفظوں کو پڑھ کے درد کے درپن سے ہو چلو آساں نہیں ہجوم میں تنہائی کا سفر چلتے چلو کہ خار کے گلشن سے ہو چلو پہنچو گے یوں نہ یار کے دامن تلک کبھی چلتے ہو اُس کے گھر کو تو تن من سے ہو چلو میرے جنوں کا بوجھ اٹھا پاؤ گے نہ تم مجھ سے ملے بغیر ہی خِرمن سے ہو چلو جاتے ہو مجھ سے دُور تو رہ جاؤ بن کے یاد آتے ہو میرے پاس تو دھڑکن سے ہو چلو
English rendering
Jhonke ho tum to dil ke bhi aangan se ho chalo Aansoo ki tarah aankhon se, daman se ho chalo Harf-o-sukhan mera hai mere dil ka aaina Lafzon ko padh ke dard ke darpan se ho chalo Aasan nahin hujoom mein tanhai ka safar Chalte chalo ke khaar ke gulshan se ho chalo Pahunchoge yoon na yaar ke daman talak kabhi Chalte ho us ke ghar ko to tan man se ho chalo Mere junoon ka bojh utha paoge na tum Mujh se mile baghair hi khirman se ho chalo Jaate ho mujh se door to reh jao ban ke yaad Aate ho mere paas to dhadkan se ho chalo