جو مٹی کے کھلونے بیچتا تھا
جو مٹی کے کھلونے بیچتا تھا خدائی کے وہ نقشے بیچتا تھا جو اک آواز دھیمی آ رہی تھی کوئی مجبور فاقے بیچتا تھا کسی کی جان کی قیمت تھی کوڑی کوئی لاکھوں کے لمحے بیچتا تھا مرا ہمزاد تاروں سے پرے تھا میں خود دنیا میں دُکھڑے بیچتا تھا مری فریاد سن کر اک مسیحا مجھے سُکھ کے طریقے بیچتا تھا وہ پُرکھوں کی وراثت اونے پونے نشے کی بھینٹ چڑھ کے بیچتا تھا خریدے جس نے اس کو کیا خبر تھی ؟ کوئی خوابوں کے پرزے بیچتا تھا اسے لوگوں کو دھوکے بیچنے تھے جِسے جتنے کے بِکتے، بیچتا تھا
English rendering
Jo mitti ke khilaune bechta tha Khudaai ke woh naqshe bechta tha Jo ek awaaz dheemi aa rahi thi Koi majboor faaqe bechta tha Kisi ki jaan ki qeemat thi kaudi Koi lakhon ke lamhe bechta tha Mera hamzad taaron se pare tha Main khud duniya mein dukhde bechta tha Meri faryaad sun kar ek maseeha Mujhe sukh ke tareeqe bechta tha Woh purkhon ki warasat aune paune Nashe ki bhent chadh ke bechta tha Khareede jis ne us ko kya khabar thi? Koi khwabon ke purze bechta tha Use logon ko dhoke bechne the Jise jitne ke bikte, bechta tha