غموں کی آگ پہ سب خال و خد سنوارے گئے
غموں کی آگ پہ سب خال و خد سنوارے گئے یہ کیسے کرب کے عالم سے ہم گزارے گئے ہوا ہے اس لئے بھی سوگوار و نوحہ کناں ہجوم شہر میں ہم لوگ لا کے مارے گئے بساط وقت پہ کھیلی گئی ہے جب بازی ہمیں تو کھیل میں ہر سمت رکھ کے ہارے گئے وہ چاند ٹوٹ گیا جس سے رات روشن تھی چمک رہے تھے فلک پر جو سب ستارے گئے جہاں جہاں سے بھی گزرے ہجوم ماتم میں شگفتہ پھول سے چہرے قضا پہ وارے گئے فگارؔ آگ کہاں اب دھواں بھی مشکل ہے وہ شب کو اوس پڑی ہے کہ سب شرارے گئے
English rendering
Ghamon ki aag pe sab khaal-o-khad sanwaare gaye Yeh kaise karb ke alam se hum guzaare gaye Hua hai is liye bhi sogwaar-o-nauha kunaan Hujoom-e-shehar mein hum log laa ke maare gaye Bisaat-e-waqt pe kheli gai hai jab baazi Humein toh khel mein har simt rakh ke haare gaye Woh chand toot gaya jis se raat roshan thi Chamak rahe the falak par jo sab sitare gaye Jahan jahan se bhi guzre hujoom-e-matam mein Shagufta phool se chehre qaza pe waare gaye Fighar! Aag kahan ab dhuan bhi mushkil hai Woh shab ko os padi hai ke sab sharare gaye