مسلسل آگ میں اک آگ سی لگی ہوئی ہے
مسلسل آگ میں اک آگ سی لگی ہوئی ہے یہ میں جو راکھ بنی ہے تو روشنی ہوئی ہے رکا نہیں کسی منزل پہ کاروان سفر ازل سے خون میں تحریک سی چلی ہوئی ہے خمیر تخم میں رکھی ہوئی حسیں خواہش گلاب بن کے ہر اک شاخ پر کھلی ہوئی ہے پڑا ہوں جسم کے سانچے میں ہجر اپنا لیے مجھے یہ عمر کہیں ڈھونڈنے گئی ہوئی ہے فصیل و در مجھے حیرت سے تکتے رہتے ہیں کسی دریچے سے کیا میری دوستی ہوئی ہے یہ سرخ و تازہ گلوں سے بھری ہوئی ٹہنی مرے بدن کا لہو پی کے ہی بڑی ہوئی ہے
English rendering
Musalsal aag mein ek aag si lagi hui hai Yeh main jo raakh bani hai to roshni hui hai Ruka nahin kisi manzil pe karwaan-e-safar Azal se khoon mein tehreek si chali hui hai Khameer-e-takhmm mein rakhi hui haseen khwahish Gulab ban ke har ek shakh par khili hui hai Pada hoon jism ke saanche mein hijr apna liye Mujhe yeh umr kahin dhoondhne gai hui hai Faseel-o-dar mujhe hairat se takte rehte hain Kisi dareeche se kya meri dosti hui hai Yeh surkh-o-taza gulon se bhari hui tehni Mere badan ka lahu pee ke hi badhi hui hai