ایک نظم کہیں سے بھی شروع ہو سکتی ہے
ایک نظم کہیں سے بھی شروع ہو سکتی ہے جوتوں کی جوڑی سے یا قبر سے جو بارش میں بیٹھ گئی یا اس پھول سے جو قبر کی پائینی پر کھلا ہر ایک کو کہیں نہ کہیں پناہ مل گئی چینٹیوں کو جائے نماز کے نیچے اور لڑکیوں کو مری آواز میں مردہ بیل کی کھوپڑی میں گلہری نے گھر بنا لیا ہے نظم کا بھی ایک گھر ہوگا کسی جلا وطن کا دل یا انتظار کرتی ہوئی آنکھیں ایک پہیہ ہے جو بنانے والے سے ادھورا رہ گیا ہے اسے ایک نظم مکمل کر سکتی ہے ایک گونجتا ہوا آسمان نظم کے لیے کافی ہوتا ہے لیکن یہ ایک ناشتہ دان میں با آسانی سما سکتی ہے پھول آنسو اور گھنٹیاں اس میں پروئی جا سکتی ہیں اسے اندھیرے میں گایا جا سکتا ہے تہواروں کی دھوپ میں سکھایا جا سکتا ہے تم اسے دیکھ سکتی ہو خالی برتنوں خالی قبضوں اور خالی گہواروں میں تم اسے سن سکتی ہو ہاتھ گاڑیوں اور جنازوں کے ساتھ چلتے ہوئے تم اسے چوم سکتی ہو بندرگاہوں کی بھیڑ میں تم اسے گوندھ سکتی ہو پتھر کی ماند میں تم اسے اگا سکتی ہو پودینے کی کیاریوں میں ایک نظم کسی بھی رات سے تاریک نہیں کی جا سکتی کسی تلوار سے کاٹی نہیں جا سکتی کسی دیوار میں قید نہیں کی جا سکتی ایک نظم کہیں بھی ساتھ چھوڑ سکتی ہے بادل کی طرح ہوا کی طرح راستے کی طرح باپ کے ہاتھ کی طرح
English rendering
Ek nazm kahin se bhi shuru ho sakti hai Jooton ki jodi se Ya qabr se jo barish mein baith gayi Ya us phool se jo qabr ki paaeni par khula Har ek ko kahin na kahin panah mil gayi Cheentiyon ko jaa-e-namaz ke neeche Aur ladkiyon ko meri awaaz mein Murda bail ki khopdi mein gilhehri ne ghar bana liya hai Nazm ka bhi ek ghar hoga Kisi jala watan ka dil ya intezaar karti hui aankhein Ek pahiya hai jo banane wale se adhoora reh gaya hai Use ek nazm mukammal kar sakti hai Ek goonjta hua aasman nazm ke liye kaafi hota hai Lekin yeh ek nashte dan mein ba-aasani sama sakti hai Phool, aansoo aur ghantiyan is mein paroi ja sakti hain Use andhere mein gaya ja sakta hai Tehvaron ki dhoop mein sikhaya ja sakta hai Tum use dekh sakti ho Khali bartanon khali qabzon aur khali gahwaron mein Tum use sun sakti ho Haath gaadiyon aur janazon ke saath chalte hue Tum उसे choom sakti ho Bandargahon ki bheed mein Tum use goondh sakti ho Patthar ki manind mein Tum use uga sakti ho Podine ki kiyariyon mein Ek nazm Kisi bhi raat se tareek nahin ki ja sakti Kisi talwar se kaati nahin ja sakti Kisi deewar mein qaid nahin ki ja sakti Ek nazm Kahin bhi saath chhod sakti hai Badal ki tarah Hawa ki tarah Raaste ki tarah Baap ke haath ki tarah