ثروت حسین

English rendering

Munhadam hoti hui aabadiyon mein fursat-e-yak khwaab hote Hum bhi apne khisht-zaaron ke liye aasoodgi ka baab hote Shehr-e-aazurda fiza mein aabgeenon ko bar-rue-kaar laate Shaam ki in khaana-maan veeraaniyon mein sohbat-e-ahbaab hote Taza o gham-naak rakhte aas aur ummeed ki sab konpalon ko Aur phir hum raahi-e-baad-e-shabana ke liye mahtaab hote Khud-kalami ke bhanwar mein doobti parchhaiyan ban kar reh gaye hain Is andheri raat mein ghar se nikalte to sitara-yaab hote Khaak-aalooda zamanon par barasti jhoomti kaali ghataayein Mausamon ki aab o khaak aaraaiyon se aaine seraab hote