وہ میرے سامنے ملبوس کیا بدلنے لگا
وہ میرے سامنے ملبوس کیا بدلنے لگا نگار خانۂ ابر و ہوا بدلنے لگا تہ زمین کسی اژدہے نے جنبش کی بساط خاک پہ منظر مرا بدلنے لگا یہ کون اترا پئے گشت اپنی مسند سے اور انتظام مکان و سرا بدلنے لگا ہوا ہے کون نمودار تین سمتوں سے کہ اندروں کا جزیرہ نما بدلنے لگا یہ کیسے دن ہیں ہماری زمین پر ثروتؔ گلوں کا رنگ نمک کا مزا بدلنے لگا
English rendering
Woh mere saamne malboos kya badalne laga Nigaar khana-e-abr-o-hawa badalne laga Teh-e-zameen kisi azdahe ne junbish ki Bisaat-e-khaak pe manzar mera badalne laga Ye kaun utra paye gasht apni masnad se Aur intezaam-e-makaan-o-sara badalne laga Hua hai kaun namoodaar teen samtoun se Ke andaroon ka jazira numa badalne laga Ye kaise din hain hamari zameen par Sarwat Gulon ka rang namak ka maza badalne laga