اب مجھ کو رخصت ہونا ہے کچھ میرا ہار سنگھار کرو — شبنم شکیل
شاعر
اب مجھ کو رخصت ہونا ہے کچھ میرا ہار سنگھار کرو
اب مجھ کو رخصت ہونا ہے کچھ میرا ہار سنگھار کرو
کیوں دیر لگاتی ہو سکھیو جلدی سے مجھے تیار کرو
رو رو کر آنکھیں لال ہوئیں تم کیوں سکھیو بے حال ہوئیں
اب ڈولی اٹھنے والی ہے لو آؤ مجھ کو پیار کرو
یہ کیسا انوکھا جوڑا ہے جو آج مجھے پہنایا ہے
میں حوروں جیسی دلہن بنی اب اٹھو اور دیدار کرو
اک ہار ہے سرخ گلابوں کا اک چادر سرخ گلابوں کی
اور کتنا روپ چڑھا مجھ پر اس بات کا تو اقرار کرو
اک بار یہاں سے جاؤں گی میں لوٹ کے پھر کب آؤں گی
تم آہ و زاری لاکھ کرو تم منت سو سو بار کرو
ہاں یاد آیا اس بستی میں کچھ دیے جلائے تھے میں نے
تم ان کو بجھنے مت دینا بس یہ وعدہ اک بار کرو
Ab mujh ko rukhsat hona hai kuchh mera haar singhaar karo
Ab mujh ko rukhsat hona hai kuchh mera haar singhaar karo
Kyun der lagati ho sakhiyo jaldi se mujhe taiyar karo
Ro ro kar aankhen laal huin tum kyun sakhiyo behaal huin
Ab doli uthne wali hai lo aao mujh ko pyar karo
Yeh kaisa anokha joda hai jo aaj mujhe pehnaya hai
Main hooron jaisi dulhan bani ab utho aur deedar karo
Ik haar hai surkh gulabon ka ik chadar surkh gulabon ki
Aur kitna roop chadha mujh par is baat ka to iqrar karo
Ik baar yahan se jaungi main laut ke phir kab aaungi
Tum aah-o-zari lakh karo tum minnat sau sau baar karo
Haan yaad aaya is basti mein kuchh diye jalaye the main ne
Tum un ko bujhne mat dena bas yeh vaada ik baar karo
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں