چلتے رہے تو کون سا اپنا کمال تھا — شبنم شکیل
شاعر
چلتے رہے تو کون سا اپنا کمال تھا
چلتے رہے تو کون سا اپنا کمال تھا
یہ وہ سفر تھا جس میں ٹھہرنا محال تھا
اک دوسرے کا قرب ہوا خوف میں نصیب
اب شہر میں ہر اک کو ہر اک کا خیال تھا
رہتی تھی اس میں آٹھ پہر اک چہل پہل
رونق میں دل کا شہر کبھی بے مثال تھا !
میں خود میں گم تھی اور مجھے اپنی خبر نہ تھی
دیکھا جو آئینہ تو عجب میرا حال تھا ۔۔۔!
اک سایہ میرے ساتھ جو چلتا تھا رات دن
مجھ سے بھی بڑھ کے اُس کو تو میرا خیال تھا
غم کا حصول امرِ اضافی ہے زیست میں
یہ جاننا مرے لیے وجہِ ملال تھا ۔۔۔!
آخر شکستِ دل میرا اعزاز بن گئی!
باعث مرے عروج کا میرا زوال تھا
Chalte rahe to kaun sa apna kamaal tha
Chalte rahe to kaun sa apna kamaal tha
Yh woh safar tha jis mein theharna mahaal tha
Ek doosre ka qurb hua khauf mein naseeb
Ab sheher mein har ek ko har ek ka khayal tha
Rehti thi is mein aath peher ek chehel pehel
Ronaq mein dil ka sheher kabhi be-misaal tha !
Main khud mein gum thi aur mujhe apni khabar na thi
Dekha jo aaina to ajab mera haal tha ...!
Ek saya mere saath jo chalta tha raat din
Mujh se bhi barh ke us ko to mera khayal tha
Gham ka husool amr-e-izafi hai zeest mein
Yh jaan'na mere liye wajah-e-malaal tha ...!
Aakhir shikast-e-dil mera aizaaz ban gayi!
Ba'is mere urooj ka mera zawaal tha
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں