نظر سے دور حقیقت رہی کئی برسوں — شبنم شکیل
شاعر
نظر سے دور حقیقت رہی کئی برسوں
نظر سے دور حقیقت رہی کئی برسوں
حیات خواب کی صورت رہی کئی برسوں
یہ اور بات کہ چرچا مری وفا کا ہوا
اسے بھی مجھ سے محبت رہی کئی برسوں
یہ زیست اتنی بھی ارزاں نہ تھی ہمیشہ سے
ہر ایک سانس کی قیمت رہی کئی برسوں
یہ کہہ رہے ہیں در و بام شہر کے سارے
یہاں غموں کی حکومت رہی کئی برسوں
بیان غم کے حوالے سے سرفراز ہوں میں
کہ شعر میرؔ سے صحبت رہی کئی برسوں
ستارہ شام کی دہلیز پر اترتا رہا
فلک نشیں کو شکایت رہی کئی برسوں
Nazar se door haqeeqat rahi kai barson
Nazar se door haqeeqat rahi kai barson
Hayat khwab ki surat rahi kai barson
Ye aur baat ke charcha miri wafa ka hua
Use bhi mujh se mohabbat rahi kai barson
Ye zeest itni bhi arzaan na thi hamesha se
Har ek saans ki qimat rahi kai barson
Ye keh rahe hain dar-o-baam shahar ke saare
Yahan ghamon ki hukumat rahi kai barson
Bayan-e-gham ke hawale se sarfaraaz hun main
Ke sher Mir se sohbat rahi kai barson
Sitara shaam ki dehleez par utarta raha
Falak-nasheen ko shikayat rahi kai barson
شاعر کے بارے میں
شبنم شکیل اردو کی معروف شاعرہ، ادیبہ، نقاد اور ماہرِ تعلیم تھیں جنہوں نے جدید اردو غزل اور نظم میں نسائی احساسات، محبت، تنہائی، داخلی کرب، سماجی شع...
مکمل تعارف پڑھیں